Bruksel, 13 korrik 2023 (MIA) - Me 385 vota “pro”, 193 “kundër” dhe 63 “abstenime”, Parlamenti Evropian miratoi Udhërrëfyes për forcimin e Bashkimit Evropian të Shëndetësisë dhe për përmirësimin e kapaciteteve të sistemeve kombëtare shëndetësore të anëtarëve të BE-së për përballje me sfidat e ardhshme dhe kriza të reja të mundshme shëndetësore.

Udhërrëfyesit janë përgatitur nga Komiteti Special i Parlamentit Evropian për Pandeminë Kovid-19 (COVI), i cili analizoi ndikimin e krizës së koronës dhe vlerësoi efikasitetin e BE-së dhe sistemeve kombëtare shëndetësore, dhe bazuar në këtë, hartoi rekomandime specifike për të kapërcyer mangësitë dhe dobësitë në aktivitetet e tyre.

Udhërrëfyesit për veprimet e ardhshme bazohen në katër fusha kryesore – sistemi shëndetësor, respektimi i demokracisë dhe të drejtave themelore, ndikimi në aspektet sociale dhe ekonomike dhe reagimi global ndaj pandemisë kovid.

Rekomandimet kryesore, siç njoftoi raportuesi special i MIA-s nga Brukseli, përfshijnë autonomi më të madhe strategjike të BE-së në sigurimin e barnave, transparencë në prokurorimin e përbashkët dhe kontroll më të fortë parlamentar për zbatimin e akteve ligjore që ligjen me situata të jashtëzakonshme, si ne nivel të BE-së ashtu edhe në nivel kombëtar.

Eurodeputetët kërkojnë gjithashtu përdorimin maksimal të fondeve të destinuara për rimëkëmbjen e tregut të vetëm evropian nga pasojat e kovid krizës dhe një koordinim më të mirë global në përgatitjen e marrëveshjes së ardhshme ndërkombëtare për pandemitë.

Kryesuesja e Komitetit, eurodeputetja belge nga Grupi Parlamentar i Socialistëve dhe Demokratëve (SD), Ketlin Van Brempt, gjatë debatit në selinë e PE në Strasburg, deklaroi se gjatë analizave të saj COVI e pa qartë se BE-ja nuk ka nevojë vetëm për mjete për zhvillimin e politikave afatgjata, por edhe qëllime të qarta dhe udhërrëfyes për veprim.

Raportuesja e COVI, eurodeputetja spanjolle nga grupi i Partisë popullore evropiane (EPP), Dolores Montserat theksoi se rekomandimet e propozuara janë rezultat i dialogut dhe konsensusit bazuar në në analizë të përgjigjes së BE-së ndaj pandemisë, duke përfshire edhe sigurimin e vaksinave dhe ndarjen e fondeve për përballje me pasojat e krizës.

Parlamenti Evropian eformoi Komitetin Special për Pandeminë kovid-19 (COVI) në mars 2022 me detyrën për të vlerësuar jo vetëm efektivitetin e sistemeve shëndetësore dhe fushatën e vaksinimit gjatë krizës së koronës, por edhe ndikimin e saj më të gjerë socio-ekonomik, pasojat në sundimin e ligjit dhe demokracinë, si dhe reagimin ndërkombëtar ndaj pandemisë.

Për këtë qëllim, periudhën e kaluar COVI organizoi një proces gjithëpërfshirës konsultimi përmes një serë diskutimesh dhe punëtori publike dhe shkëmbim mendimesh me ekspertë, politikëbërës nga institucionet e BE-së dhe organizatat ndërkombëtare , epidemiologë, ministra të shëndetësisë, përfaqësues të kompanive farmaceutike, punonjës shëndetësor dhe hulumtues.

"Me miratimin e këtij raporti, Kuvendi i përgjigjet pritshmërive të qytetarëve për forcimin e qëndrueshmërisë së sistemeve tona shëndetësore dhe konkurrencës së BE-së dhe për sigurimin e qasjes së barabartë në kujdesin shëndetësor për të gjithë, siç parashikohet në konkluzionet e Konferencës për të Ardhmen e Evropë, theksohet në Rekomandimet e miratuara.

Konferenca për të ardhmën e Evropës është mbajtur në fillim të majit të vitit të kaluar me pjesëmarrje të përfaqësuesve më të lartë të institucioneve të BE-së dhe vendeve anëtare, por edhe të sektorit joqeveritar dhe organizatat civile dhe rinore. Mbledhja u konceptua si një proces i ri dhe inovatit ku qytetarët evropianë me origjinë të ndryshme gjeografike dhe socio-ekonomike, gjini, mosh dhe nivel arsimor mund të shprehin mendimin e tyre për që presin nga Bashkimi Evropian. ls/

Foto: Arkivi i MIA-s