Shkup, 18 korrik 2023 (MIA) - EVN Maqedoni dje ka shënuar konsumin më të lartë të energjisë elektrike në vend në 30 ditët e fundit. Siç informojnë për MIA-n nga kompania, nga data 17 qershor deri më 17 korrik janë konsumuar gjithsej 405.028 megavat orë energji elektrike, që sipas tyre vjen si pasojë e temperaturave të larta gjatë kësaj periudhe.

"Konsumimi më i lartë prej 16.015 megavat orë është regjistruar dje, në njërën prej ditëve më të nxehta në këtë periudhë me minimum 21 dhe maksimale 38 gradë Celsius të matura në aeroportin e Shkupit, thanë nga EVN Maqedoni për MIA-n.

Më pas theksojnë se rajoni i Shkupit si zona më e madhe e konsumatorit në 30 ditët e fundit ka konsum të përgjithshëm prej 148.399 megavat orë energji elektrike, ose mesatarisht 4.787 megavat orë në ditë, ndërsa dje konsumi ishte 6.070 megavat orë.

Rikujtojnë se vitin e kaluar në periudhën prej 17 qershorit deri më 17 korrik, konsumi i përgjithshëm i energjisë elektrike ishte 421.287 megavat orë, ndërsa konsumi mesatar ditor ishte 13.590 megavat orë.

"Dallimi në konsum nga viti i kaluar në këtë vit është për shkak të ndryshimit të temperaturave. Sivjet në këtë periudhë kemi temperatura dukshëm më të ulëta në qershor dhe më të larta në korrik krahasuar me periudhën e njëjtë të vitit të kaluar", thekson EVN Maqedoni.

Nga NP “Ujësjellës dhe Kanalizime” – Shkup, nga ana tjetër, apelojnë deri te qytetarët që ujin ta shfrytëzojnë në mënyrë racionale dhe thekson rritjen e konsumit të ujit për shkak të temperaturave të larta.

“Veçanërisht apelojmë që të shmanget konsumimi i panevojshëm i ujit për ujitje të gjelbërimit, kopshteve dhe fushave, për larjen e automjeteve, për mbushjen e pishinave, por edhe për të parandaluar abuzimet përmes lidhjeve të paligjshme”, thonë nga Ndërmarrja Publike. ls/

Foto: Arkivi i MIA-s