Shkup, 2 shkurt 2024 (MIA) - Ministri i Punëve të Jashtme, Bujar Osmani ka thënë se Ligji për masat kufizuese ka për qëllim të sigurojë paqe ndërkombëtare, siguri, demokraci dhe sundim të ligjit. Ai tha se nuk ka tërheqje politike të ligjit, por tërheqje administrative, sepse ligji është miratuar me kusht dhe tani qeveria e re duhet ta konfirmojë.

"Ligji është nën kompetenca të Ministrisë së Punëve të Jashtme dhe unë pata rastin të prezantojë para opinionit disa pikëpamje se si konsiderojmë se duhet bërë ndryshimet në Ligjin për masat kufizuese. Në qeveri është harmonizuar më tej me legjislacionin dhe ministrinë dhe është miratuar nga Qeveria me kusht për të bërë harmonizimin shtesë, në ndërkohë me Ministrinë e Drejtësisë dhe legjislacionit që në kuadër të grupit punues edhe ndodhi. Tani që ka qeveri të re është e nevojshme që Qeveria e re ta konfirmojë tekstin e ligjit", ka thënë Osmani sonte gjatë pjesëmarrjes në TV 21.

Megjithatë, në objektivat e Ligjit shton se ka të bëjë edhe me luftën kundër korrupsionit, shpërdorimit të detyrës dhe kërcënimeve hibride.

"Në zgjidhjen aktuale ligjore si bazë për vendosjen e masave kufizuese nga vendi ynë janë tre baza, ato janë rezoluta të detyrueshme të Këshillit të Sigurisë së KB-së, akte, akte ligjore të BE-së dhe akte bilaterale të vendeve të tjera, por vetëm për terrorizëm dhe kualifikim. Tani shtojmë se për këto qëllime, siguri, paqe ndërkombëtare, luftë kundër korrupsionit, shpërdorim të detyrës si bazë për miratimin e masave kufizuese i marrim edhe aktet ligjore të SHBA-së edhe aktet ligjore të Mbretërisë së Bashkuar, me çka më tej zbërthehet se cila është procedura për miratimin e akteve ligjore", ka thënë Osmani.

Ai shtoi se në zgjidhjen aktuale si lloje të masave kufizuese janë embargoja e armëve, ndalesa për hyrje, masa financiare. Tani, theksoi ai, i shtohet fillimi i procedurës penale dhe marrja e masave të sigurisë.

"Kur do të ketë një akt të tillë ligjor, MPJ, MPB dhe PP propozojnë deri te qeveria që të marrë vendim edhe për masat tona kufizuese. Nëse është për korrupsion, shpërdorim të detyrës zyrtare qeveria detyrohet, pra organi që propozon që të gjitha faktet që ka mbledhur nga burimi i kufizimit t'i çojë në Prokurori publike. PP  është e obliguar të hapë procedurë penale dhe nëse ngre akuzë dhe gjykata e pranon atë akuzë, atëherë Gjykata mund të marrë masa të përkohshme të sigurisë - ndalesë për kryerjen e funksioneve publike, përfshirë kandidimin për zgjedhje dhe konfiskimin e pasurisë dhe masa të tjera financiare", ka thënë Osmani.

Foto: arkivi i MIA-s