Shkup, 1 gusnt 2024 (MIA) - Oda e noterëve të RMV-së është e gatshme që hollësisht t'i prezantojë analizat dhe argumentet për nevojat nga ndryshimet e tarifave. Nëse ministri i Drejtësisë ka arsye të argumentuara për heqjen e ndryshimeve të Tarifave të noterisë, kuptohet që këtë mund ta bëjë në kuadër të kompetencave të tyre ligjore, por me këtë nuk do ta zgjidhin problemin e qytetarëve, as të noterëve.

Kjo është pjesë e reagimit të brendshëm nga Oda e noterëve, pas paralajmërimeve për tërheqje të ndryshimeve të fundit të tarifës së noterëve, që duhet të fillojë me zbatimin nga 1 shtatori i vitit 2024.

Në reagim theksohet se Tarifa e noterëve në asnjë rast nuk mund të jetë proces i fshehur, nga shkaqe që, si edhe çdo më parë, kështu edhe kjo Tarifë notere është sjellë në procedurë të caktuar me ligj, e cila ka zgjatur gjysmë viti.

"Për ndryshimet e reja, duhet pasur parasysh se Tarifa e noterisë jo vetëm që nuk ndoqi trendin në rritje të pagave, shpenzimeve të jetesës, normës së inflacionit dhe vlerës së punës juridike, por përkundrazi, në këto 25 vite është ulur vazhdimisht në vitin 2010, 2016 dhe 2019. Në ndikimin e ndryshimeve në tarifën e noterisë ka ndikuar edhe fakti se që nga futja e noterit janë miratuar një sërë ligjesh që rrisin detyrimet e noterëve, gjë që sjell në vetvete punësime të reja në zyrat noteriale, si dhe të Noterisë. Tarifa është ulur paralelisht. Që do të thotë, nuk ka raport racional dhe rentabilitet ekonomik për funksionimin e noterit si shërbim publik i pavarur", thuhet në njoftimin e Odës së noterisë të RMV-së. mb/

Foto: MIA