Tiranë, 17 gusht 2026 (MIA) - Sipas të dhënave të Institutit Kombëtar të Statistikës (INSTAT), numri i vizitorëve të huaj që qëndruan në strukturat akomoduese në Shqipëri në qershor ishte 445.846, një rritje prej 20,6% krahasuar me të njëjtin muaj të vitit të kaluar, ndërsa numri i përgjithshëm i vizitorëve u rrit për 17%.

 Numri i bujtjeve u rrit me 9,8% në nivel vjetor. Bujtjet e vizitorëve të huaj u rritën për 9,2%, ndërsa bujtjet  e banorëve vendas për 11,8%.

 Rritja më e madhe është  regjistruar në zonat bregdetare, ku në qershor janë regjistruar 323.426 vizitorë të huaj - një rritje prej 27,4% krahasuar me 253.867 vitin e kaluar. Numri i vizitorëve në zonat jo-bregdetare u rrit për 5,7% ose 122.420.

 Hotelet dhe strukturat e tjera të akomodimit pritën 401.836 vizitorë të huaj, krahasuar me 336.226 në qershor të vitit 2025. Zënia e dhomave të hoteleve gjithashtu është rritur, duke arritur në 41,3% - një rritje prej 1.8 pikësh përqindjeje krahasuar me vitin e kaluar.

 Më të shumët janë nga Kosova 15% nga vizitorët e huaj, të ndjekur nga Italia me 14% dhe Polonia me 13%. Franca dhe Gjermania përbëjnë secila nga 7%, ndërsa vizitorët nga vendet e tjera përbëjnë pjesën e mbetur prej 44%.

 Foto: Ministria e Turizmit