Shkup, 17 qershor 2023 (MIA) - Një automjet me targa të Kosovës ka rënë në lumin Lepenc në rrugën Shkup - VK Bllacë. Në automjetin përveç drejtuesit kanë qenë edhe tre udhëtarë të tjerë. Një person është nxjerrë nga lumi dhe është dërguar në SPQ “8 Shtatori”, ndërsa për tre personat e tjerë ende gjurmohet, informojnë nga Ministria e Punëve të Brendshme (MPB).

“Sot (17.06.2023) rreth orës 15 është lajmëruar se në aksin rrugor Shkup- VK Bllacë ka ndodhur një aksident trafiku në të cilin është përfshirë një automjet udhëtarësh “folksvagen” me targa të Shkupit i drejtuar nga B.B. nga Shkupi dhe një automjeti të udhëtarëve 'bmv' me targa të Kosovës i drejtuar nga N.P. nga Kosova që pas aksidentit ka rënë në lumin Lepenc", thuhet në kumtesën e MPB-së.

Prej atje shtojnë se në automjetin e tipit "bmv", përveç shoferit ndodheshin edhe tre udhëtarë.

"Një person është nxjerrë nga lumi dhe është dërguar në spitalin '8 Shtatori', ndërsa vazhdojnë kërkimet për tre personat e tjerë”, thonë nga MPB..