Londër, 21 maj 2025 (MIA) – Zëvendëskryeministri dhe ministër i Transportit, Aleksandar Nikolloski sot edhe zyrtarisht e filloi vizitën e punës në Mbretërinë e Bashkuar me takim në Londër me përfaqësues të Instrumentit për mbështetje të financimit të jashtëm në Ministrinë britanike të Financave, informon raportuesi i MIA-s nga Londra. 

Nikolloski vlerësoi se ky takim është më i rëndësishëm në kuadër të vizitës, duke sqaruar se nuk është bërë fjalë për hollësitë për mjetet të cilat Maqedonia mund t’i shfrytëzojë në periudhën e ardhshme. 

“Bëhet fjalë për rreth pesë miliardë sterlina që po i vihen në dispozicion Maqedonisë, diçka që u konfirmua nga Instrumenti i Mbështetjes së Financimit të Jashtëm. Mund të them me kënaqësi se këto pesë miliardë stërlina ose gjashtë miliardë euro i janë vënë patjetër në dispozicion Maqedonisë pas këtij takimi. Ato mund të përdoren për financimin e projekteve, janë të lidhura me projekte, që do të thotë se do t'i sjellin vlerë të shtuar Maqedonisë”, deklaroi Nikollovski.

Ai theksoi se bëhet fjalë për projekte në pjesën e transportit, shëndetësisë, arsimit, energjetikës, teknologjisë, si dhe në sferën e mjedisit jetësor. 

“Biseduam për tre grupe projektesh. Njëra është hekurudha e shpejtë në Korridorin 10, nga Tabanoci në Gjevgjeli, e dyta është ndërtimi i spitaleve në Kërçovë, Tetovë dhe Shtip, dhe e treta është ndërtimi i një fakulteti të mjekësisë dhe një konvikti të studentëve në Shtip. Këto janë tre grupe projektesh që janë konfirmuar tashmë. Pas nënshkrimit të marrëveshjes qeveri-qeveri nesër dhe ratifikimit të saj në Kuvendin e Maqedonisë, do të fillojmë diskutimet zyrtare në lidhje me metodat e financimit dhe zbatimin e këtyre projekteve, dhe shumë shpejt do të mund të dalim me këto detaje”, tha Nikolloski.

Në delegacionin e Maqedonisë së Veriut janë edhe zëvendëskryeministri dhe ministër i Mjedisit Jetësor dhe Planifikimit Hapësinor, Izet Mexhiti dhe drejtori i HM Infrastruktura Sinisha Ivanovski, ndërsa nesër do tu bashkëngjitet edhe ministrja e Arsimit, Vesna Janevska. 

Nikolloski pret vizitë shumë të suksesshme në Britaninë e Madhe, në kuadër të të cilës sot pasdite në agjendë janë takime politike. 

“Do të kemi takim me ministrin e punëve të Brendshme, me ministrin e Mbrojtjes dhe gjithsesi nesër me ministrin e Ekonomisë dhe Eksportit me të cilin bashkërisht do ta nënshkruajmë marrëveshjen qeveri me qeveri”, paralajmëroi Nikolloski. 

Ai e sqaroi procesin e ratifikimit në të dyja vendet. 

“Te ne marrëveshja do të ratifikohet në parlament, ndërsa në Britaninë e Madhe miratohet nga Qeveria. Pastaj marrëveshja hyn në fuqi dhe ne tashmë hyjmë në diskutime dhe negociata zyrtare për realizimin e projekteve. Thashë se ambicia ime është që të kemi marrëveshje gjatë verës dhe të punojmë në terren në fund të vjeshtës", tha zëvendëskryeministri Nikolloski.

Teksti i marrëveshjes që do të nënshkruhet nesër dje ishte miratuar nga Qeveria e Maqedonisë, pasi të dyja shtetet  arritën pajtim për partneritet strategjik. fc/

Foto: MIA