Paris, 17 janar 2025 (MIA) - Në një podkast të futbollistit legjendar brazilian Romario, lojtari aktual i Al-Hilal, Nejmari deklaroi se nuk pendohet për asgjë që ka bërë në karrierë, se të gjitha gabimet që ka bërë në fakt e kanë ndihmuar të formohet si person.

Shpjegoi pse Barcelona ishte zgjedhja e Nejmar në vitin 2013 në vend të Real Madridit. 

 "E ndoqa zemrën time. Doja të luaja me Mesin, ndërsa Barcelona ishte klubi që doja. Gjithmonë i kam ndjekur, edhe kur Ronaldinjo ishte atje, dhe gjithmonë kam thënë se ky është klubi në të cilin dua të jem. Dhe kjo ndodhi. Ishin ditë shumë intensive. Për disa ditë nuk stërvita aspak, thjesht shkova nga shtëpia në zyrë në përpjekje për të zgjidhur dilemën.  Vazhdimisht më paraqiteshin nga Real Madridi dhe nga Barcelona. Kam folur me kryetarët e të dy klubeve, nuk mund të mendoja racionalisht. Imagjinoja veten duke luajtur për të dyja ekipet. Në fund, e dëgjova zemrën time, më tha se duhet të shkoja te Barcelona", tha Nejmari.

 Theksoi se nuk është larguar nga Barcelona për t'u bërë më i miri në Pari Sen Zherman.

 "Mesi më pyeti pse po largohem. Ai pyeti nëse ishte sepse doja të isha më i miri në planet. Më tha se mund të më bënte më të mirën në botë. I thashë se ishte për arsye personale. Sigurisht - kryesisht pjesa financiare. Ishte shumë më mirë se në Barcelonë. Aty kisha bashkatdhetarët e mi, doja të luaja me ta në Paris. Atje ishin Tiago Silva, Dani Alvesh, Lukas Moura, Markinjos... Të gjithë janë miqtë e mi", theksoi braziliani në podkast.

 Foto: Arkivi