Shkup, 25 dhjetor 2024 (MIA) - Ministria e Punëve të Brendshme shpall konkurs për pranimin e nëpunësve të uniformuar të policisë, policisë kufitare dhe njësiteve speciale të policisë dhe ju bënë thirrje të gjithë të interesuarve që të paraqiten. 

"Bëhu polic. Bëhu human. Krijo rend. Mbroji qytetarët. Ti posedon guxim, solidaritet dhe ndershmëri. Morali i lartë, integriteti dhe disiplina, nëse këto janë cilësitë tuaja njerëzore, atëherë policia është zgjedhja e duhur për ju. Roli i policisë është vendimtar në një shoqëri, sepse ajo është garantuese e mbrojtjes, sigurisë dhe shtetit ligjor, të cilat janë bazë për përparimin dhe prosperitetin ekonomik të shtetit dhe të gjithë qytetarëve në të. Policia punon për parandalimin, zbulimin dhe ndëshkimin e të gjitha llojeve të krimeve. Ndaj bëhu ndër më të mirët, bëhu gjithmonë i pari, bëhu polic", thonë nga MPB.

Nga Ministria theksojnë se të jesh polic është thirrje, e jo profesion i thjeshtë.

"Prandaj bashkohu me ne, pranoje thirrjen tënde, bëhu polic. Suksesi gjithmonë varet vetëm nga ti. Bëje ëndrrën tënde realitet. Bëhu mbrojtës i familjes, njerëzve të dashur, qytetarëve dhe atdheut. Bëhu luftëtar kundër krimit dhe ruajtës i rendit. Bëhu pjesë e policisë maqedonase! Bëhu polic!", thuhet në kumtesën e sotme të MPB-së. fc/

Fotografia: MPB