3 korrik 2023 (MIA)

1601. - U shfaq në Teatrin e Londrës premiera e dramës "Historia e vërtetë e të madhit Skënderbe", e dramaturgut të madh anglez Kristofo Marlou.

1608. - Hulumtuesi francez Samuel de Shamplen e themeloi qytetin kanadaez Kebek.

1866. - Prusianët mundin austriakët në betejën e Sadovës.

1883. - Në Pragë lindi Franc Kafka, poet çek me origjinë hebraike. Veprat e tij më të njohura janë romanet: "Procesi", "Amerika", "Kështjella" dhe tregimet "Metamorfoza" dhe "Mjeku i fshatit" dhe të tjera. Vdiq në Vjenë, më 3 qershor të vitit 1924.

1904. - Vdiq Teodor Hercel , udhëheqësi sionist i lindur në Hungari. Në vitin 1897 ai u bë presidenti i parë i Organizatës Botërore Sioniste.

1928. - Xhon Logi Berd transmeton në Londër të parin emision me ngjyra në televizion.

1940. - Anijet britanike shkatërrojnë flotën franceze në portet Oran dhe Mers-el Kebin të Algjerisë, për të mos lejuar rënien e tyre në duart e armikut. Në këtë operacion vdiqën mbi 1000 marinarë francezë.

1944. - Trupat e Armatave të rusëve të bardhë nr. 1 dhe 3 çliruan kryeqytetin Minsk të Bjellorusisë prej gjermanëve.

1962. - Presidenti De Gol i Francës deklaron Algjerinë një shtet të pavarur.

1969. - Brajan Xhons, njëri nga themeluesit e rok grupit anglez "Rolingstons", u mbyt në pishinën e tij nën ndikim të sasisë së madhe të drogës.

1971. - Vdiq në Paris Xhim Morrison, këngëtari lider i grupit rok amerikan "The Doors".

1987. - Në Francë dënohet me burgim të përjetshëm për krimet e luftës kundër njerëzimit, Klaus Barbi, i mbiquajtur "Kasapi i Lionit".

1988. - Anija luftarake amerikane "Vinsens" rrëzon një aeroplan Airbus A 300 të Iranit. Kjo ndodhi mbi Gjirin Persik në javët e fundit të luftës Iran-Irak. Të 250 personat në bord vdiqën.

1996. - Boris Jelcin fitoi përballë udhëheqësit komunist Genadi Zhuganov, postin e Presidentit të Rusisë.

2000. - Berlini vendosi t'i dhurojë selisë së Kombeve të Bashkuara në Nju-Jork një pjesë të murit që ndante qytetin në lindje dhe perëndim, si simbol i përkujtimit të Luftës së Ftohtë.

2001. - Aeroporti i Liverpulit në Britaninë e Madhe merr emrin e "Xhon Lenon", këngëtar i grupit të njohur muzikor "The Beatles" dhe një nga djemtë më të famshëm të këtij qyteti.

2002. - Basisti i famshëm i xhazit, Ray Brown, ndërron jetë në moshën 75 vjeçare.

2003. - Astronomët zbulojnë një planet shumë të ngjashëm me Jupiterin, që sillej në orbitën e një ylli dhe që i ngjante Diellit.

2006. - Së paku 41 persona, ndërsa 47 janë lënduar në fatkeqësinë gjatë rrëzimit të një treni në hekurudhën nëntokësore në Valensia të Spanjës. Shkaku i fatkeqësisë është shpejtësia e madhe.

2008. - Organizata e Kombeve të Bashkuara për ushqim dhe bujqësi (FAO) publikoi se numri i të uriturve në botë është rritur në 50 milionë për shkak rritjes së çmimit të ushqimit.