Shkup, 15 gusht 2023 (MIA) - Bekim Sali është i fundit që guxon të thotë diçka për mandatin dhe punën e tij si Ministër i Shëndetësisë, aq më pak të manipulojë rastin e ambulancave modularë. Në mandatin e tij të shkurtër, Sali nuk zgjidhi asnjë nga çështjet e hapura në lidhje me ambulancë, nuk bëri as edhe një blerje të vetme të ilaçeve në kohën e duhur, gjë që shkakton vuajtjen e pacientëve dhe nuk la pas asnjë vepër të vetme që përmirësoi kujdesin shëndetësor. Përveç kësaj, duke mos ndërmarrë veprime, janë bllokuar procese, reagoi Ministria e Shëndetësisë për qëndrimet që ish ministri i Shëndetësisë i shprehu sot në konferencë për media. 

"Në interes të së vërtetës, qytetarët duhet të dinë saktësisht se çfarë ka ndërmarrë Ministria e Shëndetësisë në lidhje me ambulancat modulare dhe kaosin e trashëguar që la pas Sali.  Bekim Sali fsheh nga opinioni se me miratimin e tij, tre ambulanca u pranuan nga ministria, të cilat janë ambulancat modulare në SHSH  Butel, Lisiçe dhe Gjorçe Petrov. Personalisht ai si ministër, ka miratuar dhe pranuar ambulancat modulare në datat 23.09.2022, 19.10.2022 dhe 22.2.2023, me të cilat kontraktuesi ligjërisht duhet t'i kishte paguar", theksohet në reagim.

Nga Ministria e Shëndetësisë theksojnë se tetë muaj Sali vendosi të shkonte kundër asaj që kishte firmosur, të mos paguante dhe me vetëdije ta linte shtetin të mbante pasoja të rënda ligjore dhe financiare.

"Si ka mundësi që Sali vendosi të mos paguajë për diçka që e miratoi dhe e pranoi dhe që tashmë është në përdorim? Nëse ai me vetëdije donte të zhvaste diçka për veten e tij ose çfarë saktësisht donte të arrinte, ai detyrohet të përgjigjet. Borxhi që është akumuluar ndërkohë në bazë të interesit të vonuar është më shumë se 200,000 euro që do të duhet të paguhen nga qytetarët!", theksohet në kumtesë.

Nga Ministria theksojnë se ministri Mexhiti, pas marrjes së detyrës, auditoi të gjitha procedurat e hapura dhe borxhet e mbajtura nga Ministria, përfshirë borxhin për ambulancat modulare të miratuara dhe të marra nga Sali. 

"Në vijim të këtij informacioni, Ministria e Shëndetësisë i dorëzoi Qeverisë informacion mbi gjetjet dhe përgjigjet e Prokurorisë, si dhe një propozim për mënyrën e tejkalimit të mosmarrëveshjes, duke mos paguar interesin e kërkuar dhe ndërprerjen e kontratës për 7 ambulancat e mbetura për të cilat nuk kishte filluar ndërtimi", theksojnë nga Ministria. 

"Kjo është e vërteta për procedurën dhe Bekim Salit duhet t 'i vijë turp që manipulon opinionin dhe i vë flakën qytetarëve. Deri më tani, siç informuam dje, nuk është paguar asgjë për ambulancat derisa Qeveria të sjellë vendim për këtë. Bekim Sali tani është i detyruar të tregojë pse ka bërë pranimin e ambulantëve? Pse nuk pagoi për tetë muaj të plotë dhe nuk kontaktoi me askënd për këtë temë? A donte të zhvaste diçka për veten e tij nga e gjithë marrëveshja?", pyet Ministria e Shëndetësisë. fc/

Fotografitë: MIA, Ministria e Shëndetësisë