MPJ kroate nuk ka informata se në Serbi është arrestuar një spiun kroat
- Ministria e Punëve të Jashtme dhe Punëve Evropiane e Kroacisë nuk ka njohuri nëse arrestimi i "spiunit kroat" për të cilin lajmëruan sot mediumet serbe "ka ndodhur me të vërtetë".
- Post By Arta Bunjaku
- 11:32, 26 gusht, 2024
![MPJ kroate nuk ka informata se në Serbi është arrestuar një spiun kroat](https://mia.mk/images/20240826113246_big_730x400_52.webp )
Zagereb, 26 gusht 2024 (MIA) - Ministria e Punëve të Jashtme dhe Punëve Evropiane e Kroacisë nuk ka njohuri nëse arrestimi i "spiunit kroat" për të cilin lajmëruan sot mediumet serbe "ka ndodhur me të vërtetë".
"Nuk kemi kurfarë informata për temën e lartëcekur, as se me të vërtetë ka ndodhur një ngjarje e tillë", deklaruan përfaqësues të MPJ-së kroate në pyetje të HINA-s për pohimet në mediumet serbe.
Herët në mëngjes në rajonin e Beogradit, Agjencia serbe për siguri dhe informim (BIA), në bashkëpunim me organe të tjera kompetente shtetërore, ka kryer aksion kundërzbulues për arrestimin e një spiuni kroat, shkruan gazeta e Beogradit "Novosti".
Sipas njohurive të mediumeve beogradase, aksioni ishte "rezultat i punës disamuajshe operative të BIA-s dhe vazhdim i asgjësimit të spiunazhit dhe aktiviteteve destruktive-subverzive të shërbimit zbulues kroat SOA". ab/