Shkup, 7 dhjetor 2024 (MIA) - Moti sot do të jetë me vranësira të ndryshueshme me reshje të shiut, të cilat do të jenë më të rrëmbyeshme në pjesët lindore ku do të bien deri në 20 litra në metër katror, në pjesët malore reshjet do të jenë të borës, ndërsa në pjesët më të larta reshje të shiut dhe borës.

Pasdite, duke filluar nga perëndimi, vranësirat do të ulen, reshjet do të ndalen dhe do të fillojë të fryjë erë mesatare, përgjatë Vardarit erë e fortë veriore. Temperatura minimale do të jetë në intervalin prej 3 deri në 7 gradë, ndërsa ajo maksimale do të arrijë nga 5 deri në 10 gradë Celsius.

Në Shkup do të jetë kryesisht me vranësira me shi të përkohshëm, veçanërisht paradite. Do të fryjë erë e lehtë, ndërsa pasdite erë mesatare nga drejtimi verior. Temperatura minimale do të bie deri në 5, ndërsa maksimalja do të arrijë 8 gradë.

Sipas njoftimeve të Drejtorisë për Punë Hidrometeorologjike (DPHM), nesër kah fundi i ditës dhe gjatë natës së hënë do të ketë reshje të reja të shiut, më të rrëmbyeshme në pjesët perëndimore. Pastaj do të mbisundojë mot me vranësira të ndryshueshme me shi të përkohshëm lokal dhe borë. Nga e diela deri të mërkurën nëpër lugina do të ketë kushte për paraqitje të mjegullës. 

Foto: Arkivi i MIA-s