Tripoli, 12 shtator 2023 (MIA) - Më shumë se dy mijë njerëz vdiqën, dhe rreth gjashtë mijë janë të zhdukur në Derna të Libisë, ku dy diga u shembën nën presionin e përmbytjeve të shkaktuara nga stuhia "Daniel", raporton Si-En-En.

"Si pasojë janë shembur tre ura. Uji i rrjedhshëm mori lagje të tëra", tha Ahmed Misamari, zëdhënës i Ushtrisë Kombëtare Libiane.

Kreu i shërbimeve libiane për gjendje të jashtëzakonshme, Osama Ali, tha për Si-En-En se pas shembjes së digës, "i gjithë uji shkoi në zonën pranë Dernas, e cila është një zonë bregdetare malore".

Ai shtoi se shtëpitë në lugina u rrënuan nga rrëshqitjet e forta të baltës që bartnin automjete dhe mbeturina. Linjat telefonike në qytet janë gjithashtu të ndërprera, duke ndërlikuar përpjekjet e shpëtimit, tha Ali, ndërsa punëtorët nuk kanë qenë në gjendje të hyjnë në Derna për shkak të shkatërrimit masiv. Ali tha se autoritetet nuk i kishin parashikuar përmasat e katastrofës.

Kreu i qeverisë lindore libiane të mbështetur nga parlamenti i Libisë, Osama Hamad, e përshkroi situatën si "katastrofike dhe të paprecedentë". sa/

foto: Printskrin/Tuiter