Shkup, 9 maj 2024 (MIA) - Fronti kundër krimit dhe korrupsionit i paralajmëruar nga VMRO-DPMNE nënkupton shpërbërjen e Këshillit gjyqësor republikan dhe Këshillit të prokurorëve publikë, theksoi sonte lideri i kësaj partie Hristijan Mickoski.

"Në fushatë kemi folur për krijimin e një fronti kundër krimit dhe korrupsionit dhe ai front nënkupton që do të shpërndajmë Këshillin gjyqësor republikan dhe Këshillin e prokurorëve publikë, ky është qëllimi ynë, por kjo nuk do të thotë që tani duhet të propozojmë. Kështu u interpretua nga partnerët qeveritarë se tani VMRO-ja do t'i shpërbëjë disa prej tyre për të emëruar gjyqtarët e saj të penguar nga partia, jo, le të zgjedhin vetë në zgjedhje të menjëhershme", tha Mickoski në një paraqitje në televizionin Kanal5.

Ai prezantoi planet për standardin e jetesës dhe ekonominë dhe paketën e investimeve në 100 ditët e para.

"Tashmë ka përfunduar një investim serioz i huaj, i cili ka nisur në fushën e energjisë, pa ligje të veçanta, pa çmim të garantuar blerjeje, pa privilegje, që do të shkonte nga 400 deri në 500 milionë euro dhe që do të prodhonte diku rreth 1 teravat orë të energjisë elektrike në vit. Dhe kjo do të bëhet e ditur në 100 ditët e para", tha Mickoski.

Paralajmëroi se do të sjellin edhe dy investime të tjera të huaja, një paketë financiare në bashkëpunimin qeveri me qeveri në vlerë prej një miliard eurosh, me, siç tha, kushte jashtëzakonisht të favorshme, me grejs periudhë të mirë dhe me një normë interesi jashtëzakonisht tërheqëse. mb/

Foto: VMRO-DPME