• e mërkurë, 17 korrik 2024

Mickoski: Populli pret rezultate, nuk do të toleroj dështime dhe pandershmëri

Mickoski: Populli pret rezultate, nuk do të toleroj dështime dhe pandershmëri

Shkup, 22 qershor 2024 (MIA) - Kthim të besimit në institucione, eliminim të korrupsionit dhe krimit, si dhe ringjallje ekonomike, paralajmëron mandatari i Qeverisë së ardhshme, Hristijan Mickoski, i cili sot nga foltorja e Kuvendit tha se është koha që atdheu të bëjë më shumë për çdo qytetar.

Në fjalimin e tij, Mickoski të martën paralajmëroi një investim të ri prej më shumë se 400 milionë eurosh, uljen e taksave dhe rritjen e pensioneve dhe pagave, luftën e pakompromis kundër korrupsionit dhe krimit, ndërtimin e marrëdhënieve të mira me fqinjët tanë dhe ruajtjen e marrëdhënieve ndëretnike.

"Puna e të gjithë kandidatëve të propozuar për funksione publike do t'i nënshtrohet revizionit dhe vlerësimit të vazhdueshëm dhe do të ketë vend vetëm për ata me vullnet të qartë, të përkushtuar ndaj shtetit dhe popullit dhe përmbushjes së programit, dhe të cilët do të jetë pranë popullit dhe do të kenë një busull të qartë, morale dhe profesionale. Shkurt, ata që do të jenë njerëz. E kuptoj që gabimet janë të mundshme, por gabime që do të korrigjohen sepse dinamika që po planifikoj është djallëzore, ritmi do të jetë i fortë sepse populli pret rezultate nga ne, përgjegjësia që kemi është e madhe. Bëhet fjalë për fytyrën tonë. Dhe për nderin tonë. Unë nuk do të toleroj dështime dhe pandershmëri. Kush nuk do të mund ta përballojë nuk është gabim apo mëkat të thuhet, apo të përcaktohen bashkë, dhe të ndryshohet pozicioni apo të rindërtohet nga ai ekzistues. Kjo vlen për të gjithë zyrtarët që do të emërohen nga koalicioni ynë, pavarësisht se nga cila parti vijnë", theksoi Mickoski.

Ai theksoi se do të kërkojë që të gjithë të japin maksimumin dhe se duhen rezultate të shpejta.

"Nga sa dimë për situatën në vend, situata është afër vdekjes klinike në disa fusha kyçe, e shkatërruar përtej njohjes, ku institucionet janë sjellë në prag të rrënimit të vërtetë dhe mosfunksionalitetit të paparë. Dhe opinioni do të jetë i informuar për gjithçka, dhe këtë nuk e them se kam ndërmend të justifikohem apo të qajmë për situatën e keqe, por se do të përgjigjemi me vendosmëri, sepse ky brez nuk ka mundësi dështimi dhe së bashku do të duhet të bëjmë hapa të mëdhenj përpara. Dhe për këtë arsye nuk do të kërkoj asnjë muaj mjalti 100 ditësh, por njoftoj menjëherë një nisje të furishme projektesh dhe investimesh të reja. Në fund të fundit, ne nuk kemi pasur asnjë sekondë në periudhën e kaluar", tha Mickoski.

Ai i tha opozitës se e ka dorën e zgjatur dhe se është i gatshëm të diskutojë për të gjitha çështjet e hapura dhe të rëndësishme.

"Unë do t'i trajtoj propozimet tuaja me respektin e duhur dhe mos prisni hakmarrje politike sepse nuk do të humbas kohën time për ato që keni shpenzuar. Por për çdo krim do të ketë përgjegjësi", tha Mickoski.

Ai shtoi se qeveria do të mbetet e përkushtuar ndaj integrimit evropian dhe do të punojë me zell për harmonizimin e politikave me standardet evropiane, duke avancuar objektivin e anëtarësimit të plotë në Bashkimin Evropian.

"Ne vazhdojmë të qëndrojmë së bashku me partnerët tanë nga BE-ja dhe së bashku do të harmonizojmë politikën e jashtme të përbashkët me BE-në. Vazhdon edhe mbështetja për Ukrainën për të mbrojtur sovranitetin dhe integritetin e saj territorial", tha Mickoski.

Në qendër të misionit të qeverisë, tha ai, do të jetë rimëkëmbja ekonomike, duke paralajmëruar një cikël të fortë rritjeje ekonomike, të nxitur nga financat publike të qëndrueshme, mbështetja për një sektor privat konkurrues dhe investime të rëndësishme në inovacion dhe teknologji informatike.

"Duhet të arrijmë rritje të PBB-së deri në 5 për qind në vit. Norma e ulët e inflacionit jo më shumë se 2,0%-2,5% në vit. Ulja e papunësisë në 7.5%. Pra hapja e 55 mijë vendeve të reja të punës. Do të ulim taksat. Do të sigurojmë që çdo fëmijë të shkojë në kopsht. Investime në infrastrukturë mbi 2 miliardë euro për 4 vjet, përfundimi i autostradës Kërçovë-Ohër, rindërtimi dhe rehabilitimi i korridorit hekurudhor 10 dhe furnizimi i trenave, si dhe 250 milionë euro investime kapitale në komuna. Do të punojmë për decentralizimin. Do të krijojmë një fond të posaçëm për shkencën më të lartë përmes të cilit do të arrijmë hapin me qendrat kërkimore botërore, do të rindërtojmë dhe rinovojmë shkollat, si dhe do të rrisim pagat në arsim në përputhje me Marrëveshjen Kolektive, do të rrisim buxhetin në arsim, do të investojmë fuqishëm në shëndetësi dhe spitale të reja dhe shumë gjëra të tjera. Dhe në fund përgjegjësia dhe fronti kundër korrupsionit, marrja e pasurisë së gjyqtarëve, prokurorëve dhe zyrtarëve", tha Mickoski.

Debati për propozimin për zgjedhjen e qeverisë është duke vazhduar. Janë regjistruar rreth 60 folës. Sipas Rregullores së Kuvendit, seanca zgjat dy ditë dhe pritet të përfundojë më së voni deri në mesnatën e nesërme.

Seancën e Kuvendit e ndjekin presidentja Gordana Siljanovska-Davkova dhe përfaqësues të korit diplomatik.

Në Qeverinë e re do të ketë gjithsej 20 ministri, katër më shumë se më parë. Qeveria do të ketë 24 anëtarë. Përveç kryeministrit do të jenë edhe 23 zëvendëskryeministra dhe ministra të tjerë, 20 prej të cilëve me portofol. Mickoski do të ketë pesë zëvendës gjegjësisht zëvendëskryeministra dhe njëri prej tyre do të jetë "zëvendëskryeministër i parë". Në kabinetin qeveritar, 15 anëtarë janë nga koalicioni i udhëhequr nga VMRO-DPMNE, gjashtë nga koalicioni Vlen dhe dy nga ZNAM. sa/

Foto: MIA

         

QËNDRONI TË LIDHUR