18:00/18 shtator/2025/

Tetovë - Në Komunën e Tetovës sot u mbajt mbledhja e Këshillit Komunal për Preventivë, ku u zgjodhën anëtarët e Këshillit Lokal për Preventivë, informoi Zyra për Komunikime dhe Marrëdhënie me Publikun.

Dibër - Në dy komunat në pjesën më perëndimore të vendit, Dibër dhe Qendër Zhupë, në listën e vetme zgjedhore ka më shumë votues se sa banorë. 

Kumanovë - Sektori i Punëve të Brendshme -Kumanovë, në bashkëpunim me Departamentin për Kontroll të Brendshëm, Hetime Kriminalistike dhe Standarde Profesionale pranë MPB-së, ngriti kallëzim penal në Prokurorinë Themelore Publike - Kumanovë kundër  11 personave për kryerjen e disa veprave penale gjatë pagesës së taksave për importin e automjeteve të përdorura dhe regjistrimin e tyre në shtet, informuan sot nga MPB.

Bruksel - Besoj se mesazhi i Komisionit Evropian për kandidatët për anëtarësim është se ne jemi gati për anëtarësim dhe duam që vendet e reja anëtare të bashkohen me BE-në në vitet e ardhshme, kuptohet, kur t'i plotësojnë kushtet, thotë kryetari i Komitetit Ekonomik dhe Social Evropian (EESC), Oliver Ropke.

Kiev - Ministri polak i Mbrojtjes, Vlladisllav Kosinjak-Kamish sot arriti për vizitë në Kiev, për të kërkuar ndihmë nga Ukraina në zhvillimin e kapaciteteve për luftë kundër fluturakeve pa pilot.

Kiev - Ukraina sot mori mbi 1.000 trupa të cilat ia dorëzoi Rusia, ndërsa për të cilët pretendon se janë trupat e ushtarëve ukrainas të vrarë në betejë, njoftoi në Telegram Qendra e të burgosurve të luftës në Qeverinë e Ukrainës.

Paris - Në protestat e sotme në mbarë Francën, deri në ora 14 janë arrestuar 119 persona, ndërsa gjashtë policë janë lënduar, njoftoi televizioni BFM, duke sqaruar se policët janë lënduar gjatë përleshjeve me protesuesit.