18:00 / 7 tetor / 2024

Shkup - Sipas të dhënave të Entit Shtetëror për Statistikë, madje 52,3 për qind e popullsisë sonë nuk shfrytëzohet në tregun e punës, deklaroi sot sekretari shtetëror në Ministrinë e Politikës Sociale, Demografisë dhe Rinisë. Fatmir Sadriu, në ngjarjen përfundimtare nga realizimi i projektit IPA trevjeçar “Aktivizimi i grupeve të rrezikuara në tregun e punës”, i cili u organizua nga Agjencia për punësimit. 

Shkup - Ministri i Çështjeve Evropiane, Orhan Murtezani zhvilloi takim me Shefen e zyrës së UNFPA-së në Maqedoninë e Veriut, Afrodita Shala. Në takimi u diskutua për vazhdimin dhe thellimin e bashkëpunimit në kuadër të Programit aktual të UNFPA-së për vendin tonë 2021-2025, në përputhje me Kornizën për zhvillim të qëndrueshëm të OKB-së 2021-2025.

Shkup -  Ministri për Çështje Evropiane, Orhan Murtezani, sot zhvilloi takim me ambasadorin e sapoemëruar të Mbretërisë së Spanjës në Republikën e Maqedonisë së Veriut, Rafael Soriano Ortiz, në të cilin u konfirmuan lidhjet miqësore bilaterale dhe u shqyrtuan çështjet për thellimin e bashkëpunimit bilateral. Bashkëbiseduesit nënvizuan rëndësinë e bashkëpunimit të ngushtë të ndërsjellë në fusha kyçe me interes të përbashkët.

Shkup - Shqyrtimi i mundësisë për zhvillim të lidhjes së re direkte në mes të dy sistemeve të gazit, si dhe në afat prej 9 muajsh të përgatitet Studimi i Fizibilitetit dhe Studimi për vlerësimin e ndikimit të projektit në mjedisi jetësor dhe social për ndërlidhjen e re të gazit ndërmjet dy vendeve parashikohet në Memorandumin për bashkëpunim në fushën e sektorit të gazit që u nënshkrua sot në Qeveri nga Ministria e Energjetikës, Minierave dhe Burimeve Minerale dhe Ministrisë së Minierave dhe Energjetikës së  Republikës së Serbisë.

Shkup - Ministri i Mbrojtjes, Vllado Misajllovski sot ka zhvilluar takim me ambasadorin e ri të BE-së Mihalis Rokas ku është biseduar për intensifikimin e bashkëpunimit me Bashkimin Evropian në politikën e sigurisë dhe mbrojtjes së Unionit, si anëtare e NATO-s dhe vend kandidat për anëtarësim në BE.

Shkup - Numri i vogël i prokurorëve publikë, mjetet e pamjaftueshme buxhetore, mosparaqitja e palëve dhe dorëzimi janë pjesë e sfidave që përmban raporti vjetor për punën e prokurorive publike të Republikës së Maqedonia e Veriut për vitin 2023, të cilën e prezantoi sot prokurori publik shtetëror Lupço Kocevski në Kuvendin e Republikës së Maqedonisë së Veriut.

Shkup - Grupi parlamentar i Frontit Evropian sot nga foltorja e Kuvendit kërkoi dorëheqjen e ministrit të Shëndetësisë, Arben Taravari pasi pardje ndërroi jetë një foshnje 14 muajshe, për të cilën prindërit e tij kishin kërkuar më parë që të hospitalizohet, por nuk është pranuar në Klinikën e fëmijëve në Shkup. Deputetja e Frontit Evropian, Diana Toska kërkoi përgjegjësi morale nga autoritetet dhe hetim të plotë dhe transparent.

Shkup - Qeveria planifikon ta bëjë vendin udhëkryq në sferën e rrugës, energjetikës dhe hekurudhës dhe të jetë qendër e korridoreve rrugore, energjetike dhe hekurudhore në rajon, paralajmëroi sot kryeministri Hristian Mickoski. "Pozita gjeografike e vendit është shumë domethënëse për këtë pjesë të Evropës. qëllimi jonë si Qeveri është që të jemi udhëkryq në tri fusha - në rrugë, energji dhe hekurudha dhe në këtë mënyrë vlerësojmë se do të jemi prioritet tek nxënësit e vendeve më të mëdha", tha Mickoski në konferencën e përbashkët për shtyp me kolegun serb Millosh Vuçeviq në Shkup.

Shkup - Ministri i Drejtësisë Igor Filkov në Prishtinë ka zhvilluar takim pune me ministren e Drejtësisë së Kosovës, Albulena Haxhiu, ku janë shkëmbyer përvojat dhe praktikat e mira në proceset reformuese. "Në takim është diskutuar edhe për dy çështje të hapura me interes për të dyja vendet. Është diskutuar për rastin “Monstra”, për të cilin pala kosovare ka deklaruar se kërkesat për ekstradim janë proceduar nga Prokuroria Publike dhe se menjëherë pas marrjes së vendimit ose pas marrjes së informacioneve konkrete për të, do ta informojnë Ministrinë e Drejtësisë. të Republikës së Maqedonisë së Veriut", kumtoi  Ministria e Drejtësisë.

Shkup - Në Kuvend sot është mbajtur mbledhja e parë e Grupit Parlamentar Ndërpartiak (GPNP) në mbështetje të Platformës së Krimesë. Kryetari i Kuvendit Afrim Gashi theksoi se me këtë tregojmë se edhe si shtet edhe si Kuvend, jemi në tërësi të përkushtuar dhe kemi politikë të njëjtë si aleatët tanë në NATO, se angazhohemi për kthimin dhe ruajtjen e paqes në kontinentin tonë dhe kontribuojmë në mënyrë aktive për ngritjen e vetëdijes globale dhe vendore për situatën në Gadishullin e Krimesë, agresionit të paligjshëm të Rusisë ndaj Ukrainës dhe domosdoshmërisë nga kthimi i integritetit territorial dhe sovranitetit të Ukrainës. 

Shkup - Grupi parlamentar i koalicionit "Fronti Evropian" funksionon në përbërje të plotë, theksoi sot koordinatori i Grupit parlamentar Blerim Bexheti duke iu përgjigjur pyetjes së gazetarëve rreth pretendimeve në media se kryetari dhe deputeti i PDSH-së Menduh Thaçi tërhiqet nga koalicioni.

Shkup - Kryeministri Hristijan Mickoski sot theksoi se në buxhetin e ri që po përgatitet për vitin e ardhshëm 2025, do të parashikohen masa për studentët, ndërsa mes tyre edhe vauçerë prej 250 euro për blerjen e pajisjeve elektronike, si dhe mjete prej 10 milionë eurosh që do të synohen për të rinjtë deri në 29 vjeç për të filluar biznese.

Shkup - Ministri i Punëve të Brendshme, Pançe Toshkovski sot ka realizuar takim pune me ambasaorin e Republikës së Francës, H.E. Kristof Le Rigoler. MPB kumtoi se në takim theksi i bisedës ishte në bashkëpunimin e përbashkët në projektet tani më të pranuara dhe të miratuara më së shumti në formën e trajnimeve tematike dhe profesionale me qëllim të përparimit të kapaciteteve të Ministrisë nga fusha e luftës kundër tregtisë me narkotikë, krimit të organizuar, flukseve migruese, kontrollit të kufirit, luftë kundër organizatave kriminale për kontrabandimin e migrantëve, etj.

Shkup – Kushte për mësim në një ndërrim dhe mësim tërë ditor do të mundësohen për të gjithë nxënësit deri në klasën e pestë deri në fund të mandatit – është plani i ministres së Arsimit dhe Shkencës Vesna Janevska. Nxënësit do të qëndrojnë në shkolla deri në orën 16:30, ndërsa për aktivitetet e tyre shtesë jashtë orëve të rregullta do të angazhohen mësimdhënës shtesë të cilët tani punojnë me vetëm disa nxënës në shkollat rajonale. 

Berovë - Me një investim total prej 3,7 milionë euro, Drejtoria doganore do të punojë në vendosjen e pikës së re kufitare Strumjani-Berovë (Klepalo). Për këtë projekt është siguruar një grant prej 3,1 milionë euro nga Programi IPA 3 i BE-së për bashkëpunim ndërkufitar me Bullgarinë dhe 551,548 euro janë bashkëfinancim kombëtar. Sot në Berovë u mbajt manifestimi me rastin e fillimit të projektit për themelimin e pikës së re kufitare, në të cilin u drejtuan drejtori i Drejtorisë doganore Boban Nikollovski, ministri i vetëqeverisjes lokale Zllatko Perinski dhe drejtori i Sekretariatit të Përbashkët të Programit për Bashkëpunim Ndërkufitar me Republikën e Bullgarisë, Toni Jakimovski.

Kriva Pallankë - Kryetari i LSDM-së, Venko Filipçe sot në një deklaratë për media përsëri apeloi deri te kryeministri Hristian Mickoski dhe Qeveria e udhëhequr nga VMRO-DPMNE që në seancë parlamentare para deputetëve dhe qytetarëve që ta tregojnë planin për integrimet evropiane të Maqedonisë.

Prishtinë - Kryeministri i Kosovës, Albin Kurti konfirmoi se sot ministri i Punëve të Brendshme, Xhelal Sveçla i ka dërguar letër pikës kufitare në Merdarë për ndryshim të masave për import të mallrave serbe, informon korrespondenti i MIA-s nga Prishtina. Kurti në konferencën e sotme për media tha se masat e Kosovës për kufizimin e importit nga Serbia "asnjëherë nuk ishin dhe asnjëherë nuk janë masa tregtare, por janë masa sigurie".

Romë – Kryeministrja italiane Xhorxha Meloni sot e theksoi të drejtën legjitime të Izraelit që të mbrohet, si dhe nevojën që vendi ta respektojë të drejtën humanitare ndërkombëtare. Ajo e dha deklaratën me rastin e përvjetorit të parë të sulmit të lëvizjes palestineze Hamas ndaj popullatës së Izraelit më 7 tetor 2023, transmetoi agjencia italiane e lajmeve ANSA.

Paris - Në Oqeanin Atlantik është vërejtur një aktivitet intensiv i uraganëve, ndërsa në Amerikën e Jugut, reshjet nën mesataren tashmë prej disa muajsh kanë sjellë thatësirë ​​të madhe. Uragani Kirk po shkon drejt Evropës. Në pjesën qendrore të Atlantikut ajo arriti statusin e kategorisë katër, me një shpejtësi maksimale të erës prej rreth 233 kilometra në orë. Ndërsa Kirk lëviz në verilindje drejt Evropës, duke lënë pas ujërat e ngrohta, pritet që deri të hënën të ulet në një uragan të kategorisë 1.

Bruksel - Gjithsej 12 vende, përmes Mekanizmit për mbrojtje civile të BE-së, kanë ofruar ndihmë emergjente për Bosnje e Hercegovinën të cilët janë prekur nga përmbytjet e mëdha ditët e fundit, kumtoi sot zëdhënësi i Komisionit Evropian për ndihmë humanitare dhe menaxhim me kriza, Balazh Ujvari.

Ankara - Presidenti turk Rexhep Tajip Erdogan deklaroi se Izraeli herët ose vonë do të paguajë për, siç tha, "gjenocidin që e ka kryer tashmë një vit" në Rripin e Gazës. Erdogani shtoi se ky gjenocid nuk vret vetëm palestinezë, por edhe mbarë njerëzimin.

Uashington – Presidenti amerikan Xho Bajden dhe nënpresidentja Kamalla Harris e dënuan sulmin e Hamasit në përvjetorin e sulmit ndaj Izraelit dhe e përsëritën përkushtimin e tyre në arritjen e marrëveshjes për armëpushim me qëllim që të përfundojnë luftërat në Gazë dhe Liban.

Uashington - Gjykata Supreme e SHBA-së sot refuzoi të shqyrtojë ankesën në rrjetin social X në pronësi të Ilon Maskut i cili bëri thirrje në lirinë e fjalës në lidhje me urdhrin e një gjyqtari që ndalonte kompaninë të raportonte për Donald Trampin, kandidat i republikanëve për zgjedhjet e ardhshme, për "sekuestrimin" e mesazheve të tij direkte dhe të dhëna të tjera që lidhen me profilin e tij në platformë.

Uashington - Sekretari shtetëror amerikan, Enton Blinken, me rastin e përvjetorit të sulmit të grupit Hamas në jug të Izraelit, tha se është koha për të arritur një marrëveshje armëpushimi në Rripin e Gazës që do të lejonte lirimin e pengjeve, lehtësimin e vuajtjeve të popullit izraelit dhe palestinez dhe në fund do të çojnë në përfundimin e luftës", publikoi Departamenti i Shtetit.

Moskë – Për Rusinë, në masë të madhe, nuk është shumë me rëndësi kush do të fitojë në zgjedhjet presidenciale në Shtetet e Bashkuara të Amerikës, kandidati i Partisë Republikane, Donald Tramp ose kundër kandidatja e tij demokrate, Kamalla Harris, sepse të dyja palët po përgatiten që të kundërshtojnë Federatën Ruse, deklaroi ministri i Punëve të Jashtme, Sergej Lavrov.

Moskë - Kremlini sot kumtoi se do të emërojë ambasador të ri në SHBA pas përfundimit të mandatit të Anatolij Antonov si ambasador, duke hedhur poshtë spekulimet se Moska do të ulë në nivelin më të ulët marrëdhëniet diplomatike me Uashingtonin.

Kiev - Presidenti i Ukrainës Volodomir Zelenski sot deklaroi se Rusia "nuk është e interesuar" për shkëmbimin e pengjeve të luftës, por falë operacionit Kursk, fondi i shkëmbimit është mbushur ndjeshëm me numrin e të burgosurve rusë dhe procesi i shkëmbimit do të vazhdojë. Sipas tij, Federata Ruse nuk është e interesuar për shkëmbim.

Tel Aviv - Izraeli ende nuk ka konfirmim se pasardhësi potencial i liderit të Hezbollahut, Hashem Safedin është vrarë, kumtuan sot autoritetet izraelite. "Ende nuk kemi asnjë konfirmim për këtë. Kur të konfirmohet, si dhe kur, informacioni do të publikohet në ueb faqen e ushtrisë izraelite (IDF)", deklaroi zëdhënësi i qeverisë Dejvid Mencer.

Mançester - Mançester Junajtedi po e konsideron Tomas Tuhelin si zëvendësues të Erik ten Hagut. Për kandidaturën e ekspertit gjerman drejtuesit e klubit kanë biseduar që në verë, kur mendonin ndërrimin e trajnerit. Si opsion janë edhe disa drejtues të tjerë të cilët tashmë janë të angazhuar në klube të tjera, ndërsa Tuheli ka mbetur pa angazhim që pas largimit nga Bajerni në fund të sezonit të kaluar