Bruksel, 17 qershor 2024 (MIA) - Zgjedhjet për Parlamentin Evropian treguan se demokracia është gjallë dhe se forcat pro-evropiane mund të vazhdojnë të bashkëpunojnë, deklaroi sonte kryetarja e përbërjes së mëparshme të Parlamentit Evropian, Roberta Mecola para fillimit të takimit jozyrtar të krerëve të shteteve apo qeverive të shteteve anëtare në të cilin do të diskutohet për zgjedhjen e zyrtarëve më të lartë në Union.

"Rezultatet e zgjedhjeve evropiane duhet të merren parasysh gjatë zgjedhjes së kryetarit të Komisionit Evropian dhe mund të konfirmoj se shumica e grupeve politike në Parlamentin Evropian mbështesin procesin për zgjedhjen e kandidatëve kryesorë", tha Mecola.

Ajo shtoi se PE është e gatshme të bashkëpunojë me Këshillin e BE-së në zbatimin e procedurës për zgjedhjen e kryetarit të Komisionit Evropian, në përputhje me Marrëveshjen për Bashkimin Evropian dhe procedurat e përcaktuara.

“Ai pret një progres të mirë sonte, që të mund fillojmë punën”, shtoi Mecola, duke konfirmuar gjithashtu se ka paraqitur kandidaturën e saj për kryetare të Parlamentit Evropian edhe në mandatin e ri.

Kryeministri holandez në largim Mark Rutte gjatë mbërritjes në takim, tha se kur shikon të gjithë pakon e emrave të kandidatëve për mbajtës të posteve drejtuese në BE, mendon se është e mundur të arrihet shpejt një konsensus.

Rute theksoi se Ursula Fon der Lajen është një kandidate e shkëlqyer për kryetar të Komisionit Evropian, por se për të gjitha funksionet do të vendoset një pako, duke shtuar se megjithatë sonte nuk do të merret asnjë vendim.

“Pres që në këtë takim joformal të arrijmë një konsensus dhe vendimi zyrtar do të merret javën e ardhshme”, tha Rute.

Edhe kryeministri irlandez Simon Haris theksoi se sonte nuk do të merren vendime, por do të fillojnë vetëm diskutimet për zgjedhjen e bartësve të posteve drejtuese në BE.

"Shpresoj që këto vendime të merren deri në fund të këtij muaji. Mendoj se është e rëndësishme që këto gjëra të rregullohen shpejt. Ne duhet ta bëjmë atë siç duhet, por gjithashtu duhet ta bëjmë atë me një shkallë të caktuar efikasiteti", shtoi Haris.

Kryeministrja daneze Mete Frederiksen tha se është ende herët për të folur për emra konkretë, duke theksuar se nuk është në garë për asnjë post, ndonëse është përmendur si kandidate për kryetare të Këshillit të BE-së.

"Është e rëndësishme që të marrim një vendim të shpejtë. Jam absolutisht e sigurt se do të gjejmë zgjidhje të mira, tha Frederiksen, duke shtuar se nga perspektiva e saj dhe nga këndvështrimi danez, Fon der Lajen ka "bërë një punë të mirë dhe të shkëlqyer" në menaxhimin e saj me Komisionin Evropian.

Presidenti sllovak Peter Pellegrini gjatë mbërrimit në takim, tha se Sllovakia do të jetë konstruktive në zgjedhjen e kandidatëve kryesorë.

"Ne kërkojmë unitet. Duhet të jemi shumë të kujdesshëm se kush do ta përfaqësojë Bashkimin Evropian dhe Komisionin në nivel ndërkombëtar. Dhe ne duhet të flasim për këtë, të mos krijojmë më shumë tension se sa është në realitet, duhet të kemi një person që mund të qetësojë situatën, e cila tani është jashtëzakonisht e tensionuar, tha Pellegrini. ls/

Foto: Skrinshot