Mançester, 5 korrik 2023 (MIA) - Mançester Siti është i gatshëm ta shesë mesfushorin Bernardo Silva këtë verë, thotë gazetari Ekrem Konur.

“Qytetarët” janë të gatshëm të pranojnë një ofertë prej 85 milionë paund për futbollistin 28-vjeçar, thotë Konur.

Pari Sen Zhermeni dhe Al Ahli janë të interesuar për blerjen e futbollistit portugez. Më parë u bë e njohur se Silva dëshiron të transferohet në klubin parisien.

Në sezonin 2022/23, Silva ka luajtur 54 ndeshje ku ka shënuar shtatë gola dhe gjashtë asistime.

Portali Transfermarkt e vlerëson lojtarin në 80 milionë euro. Kontrata e tij është deri në verën e vitit 2025.

Foto: EPA