Tel Aviv/Gazë, 7 prill 2024 (MIA) - Lufta mes Izraelit dhe Hamasit ka hyrë në muajin e shtatë pas dhjetëra mijëra viktimave. Kundrejt kësaj, nuk ka parashikime për ndërprerje urgjente të armiqësive, theksojnë agjencitë.

Në Kajro vazhdojnë negociatat për armëpushim dhe lirimin e pengjeve të Hamasit, ndërkohë që kryeministri izraelit Benjamin Netanjahu është nën presionin të shtuar ndërkombëtar dhe të brendshëm për konfliktin e armatosur.

Dhjetëra mijëra njerëz dje dolën në rrugët e Tel Avivit dhe qytete të tjera izraelite për të protestuar kundër sundimit të tij dhe për të kërkuar përpjekje më të mira të përbashkëta për të siguruar lirimin e të burgosurve të kidnapuar nga lëvizja palestineze.

Sulmi ajror gjatë kësaj jave nga forcat izraelite mbi konvojin humanitar ka shkaktuar reagime në mesin e disa prej aleatëve ndërkombëtarë të Izraelit.

Një delegacion nga grupi radikal palestinez Hamas sot planifikon të vizitojë Kajron për bisedime të reja për ndërprerje të zjarrit, por raundet e këtyre bisedimeve kanë dështuar javët e fundit.

Lufta filloi më 7 tetor, kur qindra militantë kryesisht nga Hamasi, por edhe nga grupe të tjera radikale që vepronin nga Gazë u futën në kufirin me Izraelin dhe sulmuan qytetet fqinje dhe një festival muzikor, transmeton DPA.

Rreth 1.200 njerëz u vranë në territorin izraelit, ndërsa rreth 250 u morën peng dhe u dërguan në Gazë. 

Sipas lëvizjes Hamas në Gazë, madje më shumë se 32.500 palestinezë janë vrarë në sulmet izraelite.

Foto: arkivi i MIA-s