Lloga-Bomgartner: Franca do të mbështesë reformat në gjyqësor
Shkup, 22 mars 2023 (MIA) - Franca është në mesin e miqve më të rëndësishëm të Maqedonisë së Veriut, e cila luan një rol kyç në shumë procese me peshë, siç është propozimi francez, i cili na riktheu shpresën për hapjen e procesit të integrimit evropian të vendit tonë. Kjo u konstatua në takimin e sotëm nga Ministri i Drejtësisë, Krenar Lloga dhe Ambasadori i Francës, Sirill Bomgartner.
Siç informojnë nga Ministria e Drejtësisë, Lloga e informoi ambasadorin Bomgartner lidhur me përgatitjen e Strategjisë për reforma në gjyqësor 2023-2027, si dhe për proektet për digjitalizim të gjyqësisë dhe prokurorisë, që në masë të madhe do të ketë ndikim në luftimin e korrupsionit dhe keqpërdorimeve.
Lidhur me këtë, Lloga e informoi ambasadorin francez se jemi të përkushtuar për një sistem të suksesshëm të shpërndarjes së çështjeve si në gjyqësor ashtu edhe në prokurori, ku Ministria e Drejtësisë do të ketë rol mbikëqyrës në tërë procesin.
Në takim u diskutua edhe për marrëveshjen parimore me Kryeministrin për pavarësinë buxhetore të KSHPKK-së, Këshillit Gjyqësor dhe Këshillit të Prokurorëve Publikë.
Ai poashtu e vlerësoi pozitiv edhe angazhimin e Ministrit, Krenar Lloga, për dialogun me opozitën, duke nisur nga reforma zgjedhore dhe e inkurajoi atë që të vazhdojë me procese të tilla, thelbësore për rrugën e integrimit europian të vendit.
foto: Ministria e Drejtësisë
