Seul, 6 dhjetor 2024 (MIA) - Lideri i partisë në pushtet i Koresë së Jugut, Han Dong-Hu sot deklaroi se ishte e nevojshme të pezullohen autorizimet kushtetuese të Presidentit Jun Suk-jeol, njoftuan mediat e Koresë së Jugut. 

Kani tha se gjatë gjendjes së luftës që Jun e shpalli më herët këtë javë, presidenti urdhëroi arrestimin e politikanëve të shquar me arsyetimin se ata ishin pjesë e "forcave antishtetërore".

Komentet e liderit të Partisë Popullore sugjerojnë se partia e tij do të ndryshojë qëndrimin e saj të mëparshëm për të kundërshtuar shkarkimin e presidentit Jun për gjendjen e tij ushtarake.

Partia Demokratike kryesore e opozitës dhe partitë e tjera më të vogla opozitare parashtruan propozim për impiçment të mërkurën kundër Jun lidhur me shpalljen e tij të gjendjes ushtarake një natë më parë. Gjendja ushtarke zgjati për rreth gjashtë orë pasi Kuvendi Kombëtar votoi me shpejtësi për shfuqizimin  e vendimit të presidentit, duke e detyruar qeverinë e tij ta shfuqizojë para agimit të së mërkurës. qa/

Foto: Arkivi i MIA-s