Uashington, 26 dhjetor 2024 (MIA) – Donald Trampi do ta marrë funksionin president i SHBA-së më 20 janar, ndërsa për inaugurimin e tij janë grumbulluar dukshëm më shumë mjete se sa për inaugurimin e presidentit aktual Xho Bajden. 

Korporata të mëdha si Tojota, Ford, Xheneral Motors, Amazon, Meta, Open AI dhuruan nga një milion dollarë, ndërsa Uber dy milionë dollarë. Ford dhe Xheneral Motors premtuan se do të sigurojnë edhe vetura për këtë ngjarje. 

“Çeqe me shtatë shifra”, sipas “Uollstrit xhurnal”, ishin dhuruar nga Ej-ti-en-ti (AT&T), Çarter Komunikejshëns (Charter Communications), Stenkli Blek end Deker (Stanley Black & Decker), Intuit (Intuit), Çarter Komunikejshëns (Charter Communications), Prat Industris (Pratt Industries) dhe grupi Farma (The PhRMA Group).

Donacionet vijnë edhe nga banka si Benk of Amerika dhe Golden Saks, si dhe platformat për shkëmbim të kriptovalutave Kraken dhe Coinbase.

Disa kompani, të cilat më parë u distancuan nga Trampi pas sulmit në Kapitoll më 6 janar 2021, tani e mbështesin. Sipas portalit informativ Aksios, kjo mund të jetë përpjekje për “flirtim” me qëllim përmirësimin e marrëdhënieve me presidentin e ri. fc/

Fotografia: Arkivi