Uashington, 10 prill 2025 (MIA) - Vendimi i befasishëm i presidentit amerikan Donald Tramp që t'i pauzojë tarifat e mëdha që ua imponoi dhjetëra vendeve të mëdha sot i ka rritur bursat globale, madje dhe pasi që e intensifikoi luftën tregtare me Kinën.

Kthesa e Trampit, e publikuar të mërkurën, më pak se 24 orë pasi që janë vendosur tarifat e reja të mëdha ndaj pjesës më të madhe të partnerëve, ka pasuar pas episodit më intensiv të jostabilitetit në tregun financiuar nga ditët e para të pandemisë Kovid-19.

Me kthesën janë shlyer triliona dollarë nga bursa dhe ka sjellë deri në rritje shqetësuese të kontributeve të fletëobligacioneve shtetërore të SHBA-së.

"Kam menduar se njerëzit kanë filluar të dalin nga kornizat, janë bërë pak nervoz, e dini", deklaroi Tramp pas postimit.

Indekset e aksioneve amerikane u rritën pas lajmit, me indeksin referues S&P 500 që përfundoi të mërkurën me 9,5 për qind rritje dhe lehtësimi vazhdoi në tregtimin aziatik sot me indeksin Nikei të Japonisë që u rrit për 8 për qind.

Tregu evropian gjithashtu tregoi fitime të mëdha, por tashmë ka shenja se rritja mund të jetë jetëshkurtër duke pasur parasysh rënien e fjuçersave amerikanë. Çmimet e naftës kanë rënë gjithashtu për rreth 1 përqind, duke thelluar frikën se tensionet tregtare mund ta shtyjnë ekonominë globale në recesion.

Që kur u kthye në Shtëpinë e Bardhë në janar, Tramp ka njoftuar vazhdimisht një sërë masash ndëshkuese kundër partnerëve tregtarë dhe më pas i ka hequr disa prej tyre në minutën e fundit. Kjo qasje e paparashikueshme i ka ngatërruar udhëheqësit botërorë dhe i ka frikësuar drejtorët afaristë. mb/

Foto: MIA