Shkup, 20 prill 2023 (MIA) - Ministrja e Kulturës, Bisera Kostadinovska-Stojçevska, sonte në ora 19:00 do të marrë pjesë në ceremoninë e hapjes së ekspozitës së veprave nga koleksioni i vlefshëm i artit të Muzeut të Artit Bashkëkohor, i vendosur në një nga qendrat më të mëdha kulturore evropiane, galeria prestigjioze "Kunsthale Vjenë" (Kunsthalle Wien Museumsquartier).

Ekspozita titullohet "Asnjë ndjenjë nuk është përfundimtare, Koleksioni i solidaritetit, MAB Shkup",  („No Feeling is Final. The Skopje Solidarity Collection“) dhe është rezultat i bashkëpunimit mes dy institucionve të artit - MAB nga Shkupi dhe "Kunsthale Vjenë".

Siç kumtoi Ministria e Kulturës, kuratorë të ekspozitës janë drejtorët artistikë të “Kunsthale Vjenë”, kolektivi kuratorial “What, How & for Who/WHW”, i cili përbëhet nga Ivet Kurlin, Natasha Iliq dhe Sabina Saboloviq.

Kuratorët e lidhin ngushtë konceptin dhe titullin e ekspozitës me mënyrën se si u ndërtua koleksioni i artit MAB. Në këtë kuptim, kuratorët ftuan katër artistë bashkëkohorë ndërkombëtarë dhe një çift artistik: Bruk Endru (Melburn), Jane Palovski dhe Hristina Ivanoska (Shkup), Sinisa Iliq (Beograd), Iman Isa (Berlin) dhe Gulsun Karamustafa (Stamboll), të cilët morën për detyrë të bënin përzgjedhjen e tyre nga koleksioni i vlefshëm i MAB dhe krijuan një mjedis që do të krijonte një dialog midis veprave të atyre artistëve dhe punës së autorit të tyre. Ideja është të shohim sesi artistët e përjetojnë sot këtë koleksion të krijuar me solidaritet mbarëbotëror", theksojnë nga Ministria e Kulturës.

Në projektin është përfshirë edhe fotografja Elfi Semotan (Vjenë), e cila bëri fotografi të peizazhit të qytetit të Shkupit dhe MAB, si dhe shkrimtarja Barbi Markoviq (Vjenë), e cila shkroi një udhrëfyes për përvojën e saj të përballjes me historitë komplekse dhe të shtresuara të Shkupit. 

Nga koleksioni i përgjithshëm i artit të MAB, i cili përmban mbi 5500 vepra, 94 vepra dhe rreth 50 vepra të artistëve bashkëkohorë të përfshirë në këtë projekt do të ekspozohen në Vjenë.

Një pjesë e ekspozitës përmban edhe rubrikën dokumentare për Shkupin, transformimin e qytetit dhe historinë e MAB-it dhe koleksionit të saj, dokumente dhe modelin e Kenzo Tange, të huazuara nga arkivi i Muzeut të Qytetit të Shkupit dhe nga arkivat e MAB-it.

Në ekspozitë do të prezantohen edhe pesë modele arkitekturore të Shkupit pas tërmetit, pjesë e koleksionit të arkitektëve Jovan Ivanovski, Ana Ivanovska-Deskova dhe Vladimir Deskov, të cilët në mbrëmje, para hapjes zyrtare të ekspozitës, do të mbajnë edhe një ligjëratë. (https://kunsthallewien.at /en/event/skopje-building-the-city-of-solidarity/).

Më shumë informacion rreth ekspozitës, e cila do të jetë e hapur në Kunsthalle të Vjenës deri më 28 janar 2024, mund të gjeni në linkun e mëposhtëm: https://kunsthallewien.at/ausstellung/no-feeling-is-final-the-skopje-solidarity - koleksion/?fbclid=IwAR0d6hJgmID5A01aVQmd2Uc9gt7OioFdnOdGNKk3gkRhcz2CIO8jH0a79II ls/