Shkup, 9 nëntor 2024 (MIA) - Kopshti Zoologjik në Shkup prej sot sërish do të hapet për vizitorët pasi në tetor ishte konfirmuar rasti i gripit të shpendëve.

"Ju njoftojmë se nga kjo e shtunë (09.11.2024) Kopshti Zoologjik i Qytetit të Shkupit sërish do të hapet për vizitorët me orar pune të rregullt nga ora 09:00-16:00 çdo ditë. Le të shijojmë së bashku ditët e bukura të vjeshtës dhe me diell, ju presim", thuhet në postimin në Fejsbuk.

Kopshti Zoologjik në Shkup ishte i mbyllur për vizitorët pasi u konfirmua rasti i gripit të shpendëve. U krye survejimi dhe vrasja humane e 24 rosave, gjashtë patave, pesë pulave dhe një çafke. Janë urdhëruar masa dezinfektimi, ekzaminimi i shpendëve të tjerë të pranishme në kopshtin zoologjik për praninë e virusit, masa të shtuara të biosigurisë dhe masa të tjera, me qëllim të zbulimit të sëmundjes dhe parandalimit të përhapjes së saj jashtë Kopshtit Zoologjik midis kafshëve dhe njerëzve. sa/

Foto: Arkivi i MIA-s