Milano, 6 qershor 2025 (MIA) - Trajneri i Parmës, Kristian Kivu do të marrë drejtimin e nënkampionit të Italisë, Interit, bëjnë të ditur mediat italiane.

Sipas informacioneve, eksperti 44-vjeçar ka nënshkruar kontratë me klubin deri në vitin 2027.

Kivu ka qenë me angazhim te Parma që nga shkurti i vitit 2025. Nën udhëheqjen e tij, skuadra luajti 13 ndeshje në Serie A, në të cilat fitoi tre ndeshje, barazoi shtatë dhe humbi tre ndeshje.

Nga viti 2007 deri në vitin 2014, Kivu ka qenë futbollist i Interit. Ai ka pasur 169 paraqitje për ekipin duke shënuar tre gola dhe tetë asiste. Me Interin, rumuni u bë tre herë kampion i Italisë, dy herë e fitoi Kupën e vendit dhe një here e fitoi Ligën e kampionëve.

Më 3 qershor, Interi njoftoi largimin e trajnerit Simone Inzagi. Italiani mori drejtimin e ekipit saudit Al-Hilal.

Foto: printskrin