Bruksel, 19 qershor 2024 (MIA) - Komisioni Evropian e ka miratuar Projekt-buxhetin e BE-së për vitin 2025, i cili arrin 199,7 miliardë euro, infrmoi sot nënkryetari ekzekutiv i KE-së i angazhuar për ekonomi në interes të njerëzve, Valdis Dombrovskis.

Siç njofton korrespondenti i MIA-s nga Brukseli, nga mjetet e përgjithshme në Buxhetin e BE-së për vitin e ardhshëm, 2,2 miliardë euro dedikohen për Instrumentin për ndihmë paraqasëse (IPA III), ndërsa 500 milionë euro për Mekanizmin për realizimin e Planit për rritje të Ballkanit Perëndimor, si pjesë e shkallës së mbështetjes së partnerëve evropianë dhe interesave të Unionit në botë.

"Propozim-buxheti për vitin 2024 i orienton mjetet atje ku mund të bëjnë diferencë më të madhe, në bashkëpunim dhe në pajtim me nevojat e vendeve-kanidate të BE-së dhe partnerëve tanë në mbarë botën dhe ta bëjnë Evropën më rezistente dhe më të volitshme për të ardhmen në dobi të qytetarëve dhe bizneseve të BE-së", theksoi Dombrovskis.

Realizimi i këtyre qëllimeve do të sigurohet përmes nxitjes së tranziucineve të gjelbra dhe digjitale, përmes krijimit të vendeve të reja të punës dhe njëkohësisht përforcim i autonomisë strategjike të Evropës dhe rolin e saj global.

Me Propozim-buxhetin parashikon mbështetje të vazhdueshme për vendet e Ballkanit Perëndimor, për refugjatët sirianë në Turqi dhe rajonin më të gjerë të Lindjes së Mesme, për vendet e fqinjësisë jugore të BE-së që synojnë të merren me migracionin, si dhe për sigurimin e qëndrueshmërisë dhe mbështetjes së parashikueshme për Ukrainën.

Është planifikuar që buxheti vjetor i BE-së të plotësohet me rreth 72 miliardë euro të destinuara për përmbushjen e prioriteteve politike të Unionit, konform ndryshimeve të bëra në shkurt të këtij viti në kuadrin financiar shumëvjeçar të bllokut deri në vitin 2027.

Sipas Dombrovskit, BE-ja është e vendosur të ndërmarrë hapa shtesë për përmirësimin e konkurrencës së saj afatgjate, prosperitetin dhe lidershipin e nskenës globale dhe ta përforcojë autonomisë strategjike dhe për këtë qëllim do të vazhdojë të përballet me sfidat strukturore, që e pengojnë konkurrencën e saj, duke siguruar rritje të përforcuar të produktivitetit, investimeve më të mëdha dhe përballjes me mungesën e fuqisë punëtore dhe kuadrin e aftësuar profesionist.

Për realizimin e këtyre qëllimeve, sipas Komisionit Evropian, nevojitet qasje e integruar në sigurimin e stabilitetit makroekonomik, promovimin e qëndrueshmërisë ekologjike, rritjen e produktivitetit dhe garantimin e drejtësisë.

Dombrovskis informoi edhe se Komisioni Evropian ka vendosur të aprovojë grumbullim të nënshkrimeve për dy nisma civile evropiane, të quajtura "Kuota ajrore" dhe "Stop për shkatërrimin e videolojërave".

Nisma e dytë "Stop për shkatërrimin e videolojërave" kërkon Eurokomisioni t'ua ndalojë kompanive që shesin ose licencojnë videolojërave në BE, që t'i çaktivizojnë ato nga distanca.

Sipas Dombrovskis, dy nismat civile evropiane i plotëlsojnë kushtet formale të vërtetuara me legjislacionin e BE-së, kështu që Komisioni ka vlerësuar se ato janë ligjërisht të pranueshme, pa e analizuar thelbin e propozimeve në këtë fazë.. mb/