Bruksel, 27 shkurt 2025 (MIA) - Bashkimi Evropian që nga themelimi i saj dhe krijimi i një tregu të përbashkët të madh dhe të integruar paraqet bekim për SHBA-në, deklaroi sot zëdhënësi i Komisionit Evropian për sigurinë ekonomike, tregti, shërbime financiare dhe dogana, Olof Gil në lidhje me komentin e presidentit të SHBA-së, Donald Tramp se BE-ja u formua për të "shfrytëzuar" Amerikën.

"BE-ja ka lehtësuar tregtinë, ka ulur shpenzimet për eksportuesit dhe ka harmonizuar standardet dhe rregulloret në të gjitha vendet tona anëtare. Si rezultat në ato kompani amerikane kanë qenë në gjendje të investojnë dhe të gjenerojnë të ardhura të konsiderueshme, pikërisht sepse BE-ja është një treg i madh i unifikuar i cili është i mirë për biznesin", tha Gil.

Ai theksoi se tregu i vetëm i madh dhe i integruar i BE-së është i mirë për biznesin dhe është një nga arsyet boshte pse tregtia transatlantike arrin mbi 1.5 trilion euro në vit, që paraqet shkëmbim më të madh dypalësh të tregtisë dhe investimeve në botë.

"Bashkimi Evropian beson se ne duhet të punojmë së bashku për të ruajtur këto mundësi për njerëzit dhe bizneset tona në të dy anët e Atlantikut në vend që të punojmë kundër njëri-tjetrit. Ne mbështesim hapjen dhe reciprocitetin në dialog. Ne jemi gati të jemi një partner i bazuar në rregulla, por gjithashtu do të mbrojmë konsumatorët dhe bizneset tona në çdo hap të rrugës. Ata nga ne nuk presin asgjë më pak", theksoi Gil.

Në lidhje me paralajmërimin e Trampit për vendosjen e tarifave prej 25 për qind për importin e mallrave nga BE-ja, Gil bëri të ditur se BE-ja do të monitorojë situatën dhe nëse ato vendosen do të reagojë me vendosmëri dhe me shpejtësi. rq/

Foto: arkivi i MIA-s