Shkup, 30 mars 2025 (MIA) - Shkollat ​​janë të sigurta, fëmijët janë të sigurt. Ajo që duhet të bëjnë është të mësojnë  më shumë, porositi sot ministrja e Arsimit dhe Shkencës Vesna Janevska.

 Ajo shtoi se sipas informacioneve që disponon, janë kryer të gjitha kontrollet e sigurisë si në shkollat ​​fillore ashtu edhe në ato të mesme dhe se janë të sigurta.

"Sipas informacioneve që marrim nga Bashkësia e NJësive të Vetëqeverisjes Lokale (BNJVL), tashmë janë kontrolluar shkollat ​​nën ingerencat e komunave, janë kontrolluar edhe shkollat ​​shtetërore nën juridiksionin ingerencë të MASH-it, dhe porosia për prindërit është se janë të sigurt", tha ministrja, duke u përgjigjur në pyetjen e gazetarëve para mbajtjes së Forumit të Tretë Ekonomik të Grave.

 Çështja për sigurin e shkollave u hap pas ngjarjes tragjike në Koçan kur zjarri shpërtheu në një klub nate, ku humbën jetën 59 persona dhe mbi 200 të tjerë u lënduan.

Pas ngjarjes, autoritetet morën masa për inspektimin e objekteve hotelierike në vend, si dhe institucioneve shtetërore, përfshirë kopshtet dhe shkollat.

Foto: Arkivi i MIA-s