Shkup, 31 tetor 2024 (MIA) - Në 20 ditët e ardhshme, publiku do të mund të japë sugjerime për tekstin e propozuar për ligjin e ri për tekstet shkollore për arsimin fillor dhe të mesëm që është përgatitur nga Ministria e Arsimit dhe Shkencës (MASH) dhe është vendosur Regjistrin e vetëm kombëtar elektronik të rregullave (RVKER).

Ministrja Vesna Janevska tha se risi në Propozim ligj është se shtëpive botuese u jepet mundësia të marrin pjesë me tekste tashmë të përgatitura dhe do të kenë obligim t'i shtypin ato. Nga ligji i ri ajo pret tekste më cilësore dhe dërgimin e tyre në kohë në shkolla.

"Dje është publikuar (në RVKER) ligji i ri i teksteve shkollore. Risia është se kësaj radhe shtëpive botuese po u japim mundësinë të marrin pjesë me tekste tashmë të përgatitura të cilat më pas do të përzgjidhen në një procedurë përzgjedhjeje, të miratuar nga Byroja të shqyrtuara nga Komisioni kombëtar dhe detyrimi për të shtypur kalon në shtëpitë botuese, të cilat do të obligohen me kontratë të dorëzojnë tekstet shkollore deri më 1 shtator. Kjo është risia. Sipas vitit të parë do të shohim nëse pjesa më e madhe e procedurave mund të transferohen në shtëpitë botuese dhe presim të kemi një cilësi më të mirë të teksteve shkollore, ndërsa presim efikasitet më të madh në mënyrë që të mos përfundojmë në një situatë ku me 1 shtator nuk do të ketë libra", deklaroi ministrja Janevska para hapjes së konferencës "Përmirësimi i cilësisë në arsim".

Për procedurat e librave të cilët kanë filluar deri më tani, tha se ato do të vazhdojnë sipas procedurave të vjetra sepse MASH-i është e obliguar t'i përfundojë ato.

MASH në ueb faqen e saj i bëri thirrje publikut që të marrë pjesë me sugjerime dhe propozime në përmirësimin e tekstit të propozuar të ligjit të ri që duhet të zëvendësojë atë aktual të miratuar në vitin 2008.

"Të gjithë qytetarët e interesuar mund të japin miratimin e versionit më të mirë që do të përcillet në procedurë parlamentare. Në Propozim ligj janë integruar sugjerime të shtëpive botuese në Maqedoni me përfaqësuesit e të cilave kryesia e MASH-it dhe shërbimit Pedagogjik pati një takim pune konstruktiv. Ligji i ri duhet të sigurojë prodhimin e teksteve me përmbajtje më cilësore, të zvogëlojë gjasat për gabime siç ka pasur deri më tani dhe të thjeshtësojë procedurën për furnizime, në mënyrë që tekstet të dërgohen në shkolla në kohën e duhur", publikoi MASH.

Në pyetjen e gazetarëve për ankesat e prindërve në Tetovë se po fotokopjojnë librat e fëmijëve të tyre sepse janë shumë të dëmtuar, Janevska u përgjigj se vetë shkollat ​​duhet të paraqesin sasinë e teksteve të dëmtuara që të ndërrohen, por dhe se në atë komunë nuk është respektuar obligimi i prindërve të paguajnë për dëmet e librave për t'i shpëtuar nga shpenzimet. Sipas analizës së MASH-it, shtoi Janevska, mungesa e librave të cilët ata përmendën nuk përputhet me realitetin.

"Më vjen keq që patjetër ta them se ky është një keqkuptim i madh. MASH në asnjë moment nuk mund ta dijë se sa libra u nevojiten shkollave nëse shkollat ​​nuk e paraqesin. Ekziston një sistem elektronik që aktivizohet në fund të vitit. Ne iu dërgojmë një letër, ku i informojmë shkollat ​​se po përfshijmë sistemin elektronik që ato të raportojnë një numër të shtuar nxënësish apo nevojën për plotësimin e librave të dëmtuara. Nëse shkollat ​​nuk i paraqesin tekstet e dëmtuara, nuk mund ta dimë se a kanë nevojë, megjithëse Ministria këtë vit dha një përqindje shtesë të librave që u shpërndanë nëpër shkolla, një përqindje relativisht e ulët për shkak të dispozitave ligjore", tha Janevska. rq/

Foto: arkivi i MIA-s