Shkup, 27 korrik 2023 (MIA) - Deputetët e deritanishëm të BDI-së, Izet Mexhiti dhe Merita Kollçi Koxhaxhiku dhe deputeti Kastriot Rexhepi, të cilët paralajmëruan formimin e lëvizjes së re politike, përmes një videoje në rrjetet sociale kumtuan se që sot do të veprojnë si deputetët të pavarur.

"Sot, zyrtarisht me shkrim e informuam edhe Kryetarin e Kuvendit të RMV-së se do të veprojmë si deputetë të pavarur. Ju ftojmë gjithve pa përjashtim, të bëheni pjesë e Lëvizjes së re në ardhje që të bëheni pjesë e ndryshimit të madh, pjesë e fillimit të ri", shkroi Mexhiti në profilin e tij në Fejsbuk, ku e ka publikuar videon e Koxhaxhikut.

Në video Koxhaxhiku informon se koordinator i grupit do të jetë Kastriot Rexhepi, ndërsa ajo zëvendëse e tij.

"Unë Merita Koxhaxhiku, Izet Mexhiti dhe Kastriot Rexhepi do të veprojmë si deputetë të pavarur. Koordinator i këtij grupi do të jetë Kastriot Rexhepi, ndërsa unë do të jem zëvendëse e tij. Njëherësh, dëshiroj t'ju bëj thirrje të gjithëve pa përjashtim të bëheni pjesë e lëvizjes së re", thotë deputetja Koxhaxhiku.

Izet Mexhiti, deputet i BDI-sl dhe një pjesë e të a.q. Grupi i zjarrit më 17 korrik paralajmëruan se së bashku me Merita Koxhaxhikun dhe Kastriot Rexhepin do të formojnë lëvizje të re politike. Mexhiti tha se formimi zyrtar i subjektit të ri politik do të jetë më 13 gusht.

Foto: Arkivi i MIA-s