Athinë, 24 prill 2024 (MIA) - Deputeti i pavarur Konstatinos Floros, i cili ishte zgjedhur me partinë e vogël radikale të djathtë Spartanët, mëngjesin e sotëm ka sulmuar fizikisht deputetin e zgjidhjes greke Vasilis Gramenos në Parlament, para sallës ku mbahet seanca plenare, lajmëroi korrespondenti i MIA-s nga Athina.

Ngjarja i ka paraprirë një debati verbal në vetë sallën, i cili është kthyer në një përleshje fizike në korridor, kur Floros ka sulmuar me grushte Gramenos.

Të sulmuarit i është dhënë menjëherë ndihma e parë nga mjeku në Parlament.

Mediat në Greqi komentuan se ishte një incident i paprecedentë në Parlament.

Kryetari i Kuvendit, Konstantinos Tasulas, për sjelljen e dhunshme të deputetit, kërkoi dënimin më të lartë të parashikuar nga rregullat e punës, pra përjashtimin e Konstantinos Floros nga Kuvendi për 15 ditë dhe në të njëjtën kohë do të kërkohet që deputetit t'i hiqet imuniteti dhe të përgjigjet penalisht.

Floros u zgjodh në zgjedhjet e qershorit të vitit të kaluar me partinë e vogël radikale të djathtë Spartans, nga e cila më vonë u largua dhe u bë deputet i pavarur.

Spartanzi është i lidhur me ish deputetin e Agimit të Artë, Ilias Kasidiaris, i cili po vuan dënimin me burg. sa/