Mançester, 4 dhjetor 2024 (MIA) - Trajneri i Mançester sitit, Pep Guardiola ka komentuar krahasimet me ish trajnerin e Çellsit dhe Mançester Junajtedit, Zhose Murinjo pas gjestit të spanjollit në ndeshjen me Liverpulin (2:0) në xhiron e 13-të të Premier ligës.

Kur tifozët filluan të brohorasin për shkarkimin e Guardiolës, ai tregoi gjashtë gishta në tribunë, duke aluduar në gjashtë titujt në ligë.

"Shpresoj se jo në rastin tim! Në fund, ndoshta jemi të njëjtë...Por ai fitoi tre tituj, ndërsa unë gjashtë", deklaroi Guardiola për "Guardian".

Mançester siti është pa fitore në shtatë ndeshje në të gjitha garat - 6 humbje dhe 1 barazim. Skuadra e Guardiolës gjendet në vendin e 5-të në renditjen e Premier ligës me gjithsej 23 pikë. qa/

Foto: EPA