• e mërkurë, 03 korrik 2024

Georgiev për MIA-n: Është koha që të gjendet zgjidhje tjetër ligjore për Parimin e Badenterit në gjyqësor

Georgiev për MIA-n: Është koha që të gjendet zgjidhje tjetër ligjore për Parimin e Badenterit në gjyqësor

Shkup, 14 nëntor 2023 (MIA) - Vlerësoj se është më e rëndësi që qytetarëve tu mundësojmë zgjedhje të kuadrove cilësorë, të mirë të gjykatësve, më pak e rëndësishme se çfarë kombësie janë, deklaroi kryetari i Këshillit Gjyqësor, Sashko Georgiev, në intervistë për MIA-n.

Në pyetjen në lidhje me funksionalitetin e Parimit të Badenterit gjatë zgjedhjes së gjykatësve, kryetari Georgiev theksoi se shumë vite pasi është sjellë parimi i Badenterit në Kuvend, ndërsa më vonë edhe në Këshillin Gyjqësor dhe në Këshillin e Prokurorëve Publikë, është koha që të gjendet ndonjë zgjidhje tjetër ligjore. 

"Vlerësoj se përfaqësimi është i nevojshëm dhe i patjetërsueshëm në organet e tilla, si dhe në Këshillin Gjyqësor, por, nga ana tjetër, a është kjo në rregull dhe zgjidhje e mirë për të gjithë këto 20 vite dhe në të ardhmen të zbatohet ajo mënyrë e votimit gjatë zgjedhjes së gjykatësve, unë vlerësoj se është më e rëndësishme që qytetarëve t'u mundësojmë zgjedhje të kuadrove cilësorë dhe të mirë të gjykatësve, më pak e rëndësishme është se nga cila kombësi janë", tha Georgiev.

Sipas tij, në afat të shkurtë do të duhej ky të jetë mjet i të menduarit, gjegjësisht, siç thotë, të gjendet mënyrë se si të përfaqësohen të gjitha kombet, ndërsa nga ana tjetër, të mos jetë vendimmarrëse përkatësia kombëtare për ndonjë zgjedhje të caktuar. 

"Në praktikë e krahasoj me atë kur një pacient shkon për kontroll mjekësor dhe kërkon mjekun më të mirë dhe nuk pyet se çfarë kombësie është mjeku. Është e rëndësishme që gjykatësit të njohin mirë të drejtën dhe ligjin, dhe nga ana tjetër, të kenë integritetin e tyre, të kenë besim në mjedisin ku punojnë dhe çështja e kombësisë së tyre është më pak e rëndësishme. Pra, në kohën e duhur, mendoj se duhet të jetë objekt shqyrtimi për gjetjen e mënyrës për përfaqësimin e këtyre nacionaliteteve, ndërsa nga ana tjetër, ajo kombësi nuk duhet të jetë vendimtare për një zgjedhje të caktuar", thotë ai.

Të gjithë intervistën me kryetarin e Këshillit Gjyqësor, Sashko Georgiev, në të cilën bisedojmë në shumë tema aktuale nga gjyqësori do të mund ta shihni së shpejti. fc/

Fotografia: MIA

QËNDRONI TË LIDHUR