Shkup, 4 shtator 2025 (MIA) - Kryetari i Kuvendit, Afrim Gashi për nesër në orën 11 e caktoi mbledhjen e Komisionit për mbikëqyrje të punës së Agjencisë për siguri kombëtare dhe të Agjencisë për zbulim lidhur me dyshimet aktuale për përgjimin e paligjshëm nga Agjencia për siguri kombëtare (ASK), që është bërë në periudhën prej vitit 2019 deri në vitin 2024.

Siç informojnë nga shërbimi i Kuvendit për shtyp, me mbledhjen do të kryesojë deputetja e LSDM-së, Sllavjanka Petrovska.

Kjo pason pasi që anëtari i Komisionit për mbikëqyrje të ASK-së dhe Az-së, deputeti Ljupço Prenxhov dje publikisht i bëri thirrje kryetarit të Komisionit, Skender Rexhepi nga Fronti evropian të caktojë mbledhje urgjente. Kryetari i Komisionit, Skender Rexhepi dje u përgjigj se përderisa është kryetar dhe i diskriminuar, nuk do të caktojë një takim të tillë.

"Qëllimi i mbledhjes është të shqyrtohen dyshimet shqetësuese për veprimin e paligjshëm në ASK, përkatësisht, të konstatojmë datë të saktë për vizitë zyrtare në Agjencinë për siguri kombëtare përmes të cilës do të kontrollojmë drejtpërdrejtë gjendjet dhe hetim të hollësishëm tët ë gjitha rrethanave lidhur me këto ngjarje", theksoi Prenxhov.

Këto ngjarje, sipas deputetit, shkaktuan shqetësim të madh në opinion, dhe, siç tha, e minojnë demokracinë dhe besimin në institucionet e angazhuara për mbrojtje të sigurisë kombëtare.

"Mu për këtë arsye, obligim i komisionit është të veprojë me përgjegjësi dhe me transparencë, me qëllim, që të sigurohet llogaridhënie e institucioneve dhe mbrojtje e integritetit të tyre dhe demokracisë në shtet", sqaroi Prenxhov.

Rexhepi potencoi se ai është i diskriminuar se nuk mund të ketë qasje drejt informatave të klasifikuara sepse nuk ka përgjigje ndaj kërkesës për certifikatë të sigurisë të cilën e ka kërkuar në nëntor apo dhjetor të vitit të kaluar.

"Gjithnjë derisa jam unë kryetar dhe i diskriminuar nga pushteti, nga shërbimet, nuk do të thërras nkë takim të tillë. Sepse edhe prania ime, kur do ta thirrja takimin, unë nuk do të mund të marr pjesë në informatat e klasifikuara atje ku shkohet. Cila do të ishte logjika, kryetari i Komisionit të mos mund të marrë pjesë në një Komision të tillë apo kontroll të shërbimeve. Unë para një viti kam parashtruar kërkesë për certifikatë sigurie dhe normalisht, kur një mundësi e tillë, deputet në Kuvend mbetet të vlerësohet nga nëpunës partiakë, të cilëve çdo vit u paraqiten skandale që do të thotë se ata janë në interes të të gjitha partive politike, më së paku atyre shtetërore. Konsideroj se ky është diskriminim jo vetëm për mua, por edhe për të gjithë deputetët në Kuvend", theksoi Rexhepi.

Ai edhe njëherë potencoi se nuk do ta thërrasë komisionin dhe i porositi se kryetari i Kuvendit ka mundësi të thërrasë Komision të vendosë ata të cilët kanë certifikatë të shkojnë dhe ta kryejnë punën.

"Nëse ata insistojnë, unë të shkoj ta bëj atë, atëherë ata dëshirojnë të mos kryhet vizita", theksoi Rexhepi. ab/

Fotо: МIА Arkivi