• e mërkurë, 17 korrik 2024

Fronti Evropian: Gjeneratat e ardhshme nuk kanë nevojë për të kaluarën e errët, por për të ardhmen e ndritur evropiane

Fronti Evropian: Gjeneratat e ardhshme nuk kanë nevojë për të kaluarën e errët, por për të ardhmen e ndritur evropiane

Shkup, 4 maj 2024 (MIA)- Bujar Osmani si përfaqësues i Frontit Evropian sot ka mbajtur debat të hapur me temën:”Nacionalizmi përjashtues në shtetet multietnike”.

Osmani theksoi se retorika banale e bllokut opozitar maqedonas për gjoja refuzimin e ngjarjeve të vitit 2001 nuk është gjë tjetër veçse një përpjekje e kotë për të zvogëluar forcën reale të shqiptarëve në bllokun e padiskutueshëm fitues - Frontit Evropian.

“Gjeneratat e ardhshme nuk kanë nevojë për të kaluarën e errët, por për të ardhmen e ndritur evropiane, në një aleancë të përhershme me NATO-n dhe ShBA-në”, tha Osmani dhe bëri thirrje që politika e errët dhe e pashpresë putiniste të dënohet njëherë e përgjithmonë.

Njëherësh, Osmani theksoi se: “Fushata për zgjedhjet presidenciale dhe parlamentare në Frontin Evropian është fushata më pozitive dhe më progresive nga të gjitha opsionet politike në vend deri tani”, duke shtuar se programi i qartë me projekte specifike zhvillimore, si dhe pasqyra specifike e rrugës evropiane të Maqedonisë së Veriut për anëtarësim të plotë në BE deri në vitin 2030, janë shtyllat kryesore të opsionit të koalicionit të udhëhequr nga BDI, i cili më 24 prill mori mbështetje plebishitare nga shqiptarët dhe komunitetet e tjera, do të finalizohet më 8 maj.

Debati u mbështet edhe nga prezantimet e Prof. Dr. Arta Bilalli, Prof. Dr. Bashkim Selmani dhe Daut Dautit, shkrimtar dhe publicist.

Në prezantimet e tyre, panelistët theksuan efektet negative të nxitjes së nacionalizmit dhe sundimit të pabarazisë në shoqëri, gjegjësisht theksuan nevojën për barazi të vërtetë ndërmjet shqiptarëve, maqedonasve, turqve, romëve, serbëve, boshnjakëve, vllehëve dhe të gjithë qytetarëve të tjerë, pavarësisht përkatësisë së tyre etnike apo fetare.

QËNDRONI TË LIDHUR