Shkup, 10 prill 2023 (MIA) - Prej sot ka nisur punën asistenti i parë digjital në sektorin publik – ADA, i bazuar në inteligjencën artificiale, përmes të cilit kompanitë do të mund të marrin informacion të plotë për kushtet për të investuar në vend dhe ndihmën shtetërore që ofrohet duke e bërë Maqedoninë e Veriut pjesë të trendeve botërore digjitale.

 

Në këtë prezantim morën pjesë kryetari i Qeverisë së Republikës së Maqedonisë së Veriut, Dimitar Kovaçevski, sot me zëvendëskryetarin e Qeverisë, të ngarkuar për Çështjet Ekonomike, Koordinimin e Resorëve Ekonomik dhe Investime, Fatmir Bytyqi, ministrin e Shoqërisë Informatike dhe Administratës, Azir Aliu dhe drejtorin e Fondit të Investimeve dhe Zhvillimit Teknologjik, Festim Halili.

 
"Vendi ynë ndjek proceset botërore dhe tashmë është pjesë e valës së trendeve të reja, moderne, digjitale, të cilat mbulojnë çdo aspekt të jetesës sonë, dhe gjëja më e thjeshtë për të thënë është se po, ADA po vjen, që është asistenti i parë digjital i krijuar ndonjëherë në Qeverinë e vendit tonë", tha kryeministri Kovaçevski.

 

Ai theksoi se ADA ofron të gjitha informacionet për mbështetjen financiare nga shteti dhe do të përmirësohet me shërbime të tjera të rëndësishme për sektorin e biznesit dhe qytetarët. Nëpërmjet kësaj do të ndikojmë në rritjen e transparencës së të gjitha institucioneve, por edhe në uljen e korrupsionit dhe eliminimin e faktorit njerëzor në procese. Vendosja e këtij asistenti të parë digjital, që është një hap revolucionar në shoqërinë tonë, do të nënkuptojë përshpejtimin e proceseve të ofrimit të shërbimeve për qytetarët e interesuar dhe përfaqësuesit e kompanive, të cilët do të mund të shërbehen në numër të pakufizuar dhe në vazhdimësi, gjatë 24 orëve.

"Trendet botërore po zhvillohen në drejtim të zhvillimit dhe aplikimit në rritje të inteligjencës artificiale, e cila ka depërtuar në të gjitha sferat e jetës, nëpërmjet montimit të makinerive dhe modernizimit të procesit të prodhimit, deri në ndihmë në shtëpi, madje edhe në krijimin e veprave. dhe krijimet të cilat më parë ishin të mundshme vetëm me ndihmën e njeriut. Mundësitë që ofron inteligjenca artificiale janë të pakufishme. Kjo u dëshmua përmes përpjekjes të shkëlqyer të suksesshme të krijuesit të inteligjencës artificiale dhe shkencës bashkëkohore kognitive, Alan Turing, përmes deshifrimit të makinës së famshme Enigma, të cilën gjermanët e përdorën si një mjet komunikimi të sigurt gjatë Luftës së Dytë Botërore

 

Ai paralajmëroi se do të vazhdojë mbështetja për një numër të madh të nismave novative.

 

"Vitin e kaluar kemi pasur një pagesë rekord prej 23 milionë euro, si dhe një numër rekord të kompanive të mbështetura, 410 sipas Ligjit për mbështetje financiare të investimeve. Numri i kompanive si dhe buxheti i mbështetjes po rritet nga viti në vit, duke filluar nga viti 2017, kur e filluam këtë program. Me qëllim që t’i lehtësojmë procedurat administrative, që nga viti 2020 kemi krijuar edhe one stop shop për investime. Të gjithë këtë e bëjmë për të ndihmuar investitorët vendas dhe të huaj, për të kontribuar në një konkurrencë dhe likuiditet më të madh të kompanive dhe nëpërmjet kësaj në zhvillimin e ekonomisë vendore. Edhe atë në kushtet e krizës ekonomike dhe energjetike, për të përballuar më lehtë sfidat dhe për të mos lejuar trazira dhe përçarje të mëdha në ekonominë e vendit", tha Kovaçevski.

 

 

Drejtori i FIZHT theksoi se projekti është financuar nga Fondi pas përzgjedhjes së bërë në thirrjen e publikuar që kushton nëntë milionë denarë dhe të përgatitur nga kompania vendore, ndërsa është vetëm fillim i nismave të këtij lloji të cilat do të ofrojnë komunikim më efikas me kompani vendore dhe ndërkombëtare të interesuara për investime. 

 

Ministri i Shoqërisë Informatike dhe Administratëls, Azir Aliu theksoi se në mbështejen e procesit të digjitalizimit të serviseve në administratën publike Ministria përgatit disa strategji nacionale në mesin e të cilave edhe strategjinë për TIK, si dhe për siguri kibernetike, ndërsa është formuar edhe grupi i punës për krijimin e Agjencisë për Digjitalizim e cila do t'i zbatojë ato strategji. 

 

 

Zëvendëskryeministri Bytyqi, i cili nisi zyrtarisht aplikimin e asistentit të parë digjital - ADA, theksoi se është një përgjigje ndaj Raportit të Departamentit të Shtetit për luftën kundër korrupsionit, i cili i referohej seksionit për shpërndarjen e ndihmës shtetërore dhe mbështetjen e investimeve, ku thuhet se transparenca është kyçe për të çrrënjosur dukurinë e korrupsionit dhe se eliminimi i tij duhet të jetë imperativ i Qeverisë. fc/