Frankfurt, 20 qershor 2024 (MIA) - Një nga favoritët për titullin Anglia edhe në ndeshjen e dytë të EURO2024 luajti nën pritshmëritë, duke barazuar me rezultat 1-1 kundër Danimarkës sonte në Frankfurt në kuadër të grupit D.

Anglezët arritën epërsinë përmes kapitenit Kejn në minutën e 18-të, ndërsa Danimarka barazoi në minutën e 34-t me golin e Hjulmandit.

Në xhiron e tretë përfundimtare të gjitha katër përfaqësueset në grupin D hyjnë me mundësi për kualifikim në 1/8 e finales.

Anglia është lider në grup me 4 pikë, para Danimarkës dhe Sllovenisë me 2, ndërsa Serbia është në vendin e fundit me 1 pikë.

Xhiroja e tretë e programit është të martën kur Anglia do të luajë kundër Sllovenisë, ndërsa Danimarka kundër Serbisë. fc/

Fotografia: UEFA/EURO 2024