Dojran, 30 korrik 2024 (MIA) - Zjarri i madh i cili shpërtheu mbi Dojranin e Vjetër në deponinë në vendin e quajtur Karaç dhe përfshiu dy shtëpi vështirë të vihet nën kontroll dhe nuk mund të stabilizohet për shkak të erës së fuqishme.

Kryetari i komunës së Dojranit, Ango Angov thotë se përkundër përpjekjeve të mëdha të zjarrfikësve dhe helikopterit, zjarri i ndihmuar nga era po merr hov përsëri në vendet ku është shuar.

Sipas drejtorit të Qendrës për Menaxhim me Kriza (QMK), Stojançe Angellov, i cili është në vendin e ngjarjes në fillim të Dojranit të Vjetër, në anën e djathtë të pjesës së lartë janë të mbrojtura shtëpitë, por është e rrezikshme për shkak të shpërthimeve nga predha të pashpërthyera nga luftërat e kaluara.

Në shuarjen e zjarrit marrin pjesë banorët vendas, zjarrfikës nga Dojrani, Vallandova, Gjevgjelia dhe Strumica, si dhe një helikopter, i cili me shpejtësi po mbush ujë nga Liqeni i Dojranit duke e hedhur në zjarr. rq/

Foto: QMK