Shkup, 30 dhjetor 2025 (MIA – Në kuadër të sigurimit të leximit më të madh gjatë periudhës më të ngarkuar të vitit dhe për të përmbushur nevojat e konsumatorëve, Elektrodistribuimi do të realizojë aktivitete të përforcuara për leximin e orëmatësve gjatë javës së parë të janarit 2026.

Gjatë kësaj periudhe, në mënyrë plotësuese, një pjesë e aktiviteteve të leximit do të realizohet jashtë orarit të punës, si dhe gjatë fundjavave dhe ditëve festive.

Gjatë realizimit të këtyre aktiviteteve do të aplikohet procesi i plotë i leximit, i cili përfshin përpunimin, verifikimin dhe transmetimin e sigurt të të dhënave në sistemet e kompanisë, duke siguruar faturim të saktë dhe në kohë të konsumit të energjisë elektrike për secilin konsumator individual.

Elektrodistribuimi mbetet i përkushtuar ndaj përmirësimit të përvojës së konsumatorëve dhe vazhdimisht ndërmerr masa për të rritur cilësinë dhe efikasitetin e shërbimeve.