Shkup, 28 prill 2025

Drejtoria e Doganave është tejet e përkushtuar për të zbatuar reformat kyçe që do të mundësojnë integrimin e përshpejtuar në tregun e vetëm të BE-së. Komisioni Evropian përgëzon zbatimin me sukses të fazës 5 të Sistemit të ri të tranzitit NCTS, si dhe ratifikimin e Protokolit për Eliminimin e Tregtisë së paligjshme të produkteve të duhanit. Në të njëjtën kohë, Komisioni Evropian përgëzoi rezultatet në fushën e parandalimit të mashtrimeve, ku Dogana ka treguar rezultate të jashtëzakonshme në muajt e fundit, me 102 kallëzime penale të ngritura vetëm në periudhën nga nëntori deri në fillim të prillit, që është më shumë se niveli i periudhës trevjeçare nga viti 2020 deri në vitin 2023 kur u regjistruan 85 kallëzime penale. Këto ishin pikat kryesore nga takimi i sotëm i 21-të i Nënkomitetit për Tregti, Industri, Doganë dhe Tatime në kuadër të Komitetit të Stabilizim-Asociimit midis Bashkimit Evropian dhe Republikës së Maqedonisë së Veriut.

"Ne po çelim rrugën përmes legjislacionit të forcuar në përputhje me rregulloret e BE-së, një luftë të forcuar kundër korrupsionit me 119 hetime të brendshme të kryera vetëm në vitin 2024, një lufte të forcuar kundër mashtrimit doganor, me 410 raste të sekuestrimeve të regjistruara në vitin 2024, që përfaqëson një rritje prej 63 përqind krahasuar me vitin 2023, si dhe forcimin e sistemeve tona kombëtare doganore të IT-së, në përputhje me Kodin Doganor të Unionit", tha Drejtori Boban Nikollovski.

Versioni i ri i sistemit për përpunimin e deklaratave të tranzitit - faza 5 e NCTS - është vënë gjithashtu në funksion, dhe ne tashmë po punojmë në fazën 6 në hap me BE-në. ,punojmë intensivisht për zbatimin e Sistemit kombëtar me një ndalesë me mbështetje të fortë nga BE-ja, po punojmë për zbatimin e sistemeve që synojnë përmirësimin e procedurave doganore - Sistemi i Regjistrimit të Operatorëve Ekonomikë dhe Identifikimit të Përdoruesve, si dhe për zhvillimin e një sistemi kontrolli dhe hetimi që do të jetë plotësisht i pajtueshëm me sistemin e analizës së riskut dhe përmirësimit të magazinës së të dhënave që po zbatohet me një grant nga Republika e Koresë.

Drejtori gjithashtu informoi se versioni i draftit të Ligjit të ri Doganor, i harmonizuar me Kodin Doganor të Unionit, është në fazën përfundimtare dhe pritet të miratohet deri në fund të vitit 2025.
 

Drejtoria e Doganave

Foto: Drejtoria e Doganave

__________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.