Athinë, 27 qershor 2025 (MIA) - Ministri për migrim dhe azil i Greqisë, tre zëvendësministra mes të cilëve edhe ai i punëve të jashtme dhe një sekretar i përgjithshëm në Qeverinë greke sot dhanë dorëheqje për shkak të skandalit me Agjencinë për Menaxhim me Subvencionet Bujqësore nga BE-ja (OPEKEPE), njoftoi korrespondentja e MIA-s nga Athina.

Zëdhënësi i Qeverisë greke Pavlos Marinakis kutmoi se ministri për migrim dhe azil Makis Voridis, zëvendësministrat e punëve të jashtme Tasos Hasivasiliu, bujqësisë dhe ushqimit Dionisis Stamenitis dhe për menaxhim dixhital Hristos Bukoros, si dhe sekretari i përgjithshëm i bujqësisë dhe ushqimit, Jorgos Stratakos dhanë dorëheqje të cilat janë pranuar nga kryeministri i Greqisë.

Në rastin për OPEKEPE që nga prokurori evropian ishte dorëzuar në Parlament, sipas mediave greke, janë përfshirë edhe ministra të Qeverisë. sa/