Dimitrieska-Koçoska në takimin e ministrave në Podgoricë dedikuar masave për eliminimin e tregtisë së paligjshme të produkteve të duhanit në Ballkanin Perëndimor
Shkup, 12 mars 2025 (MIA) - Ministrja e Financave, Gordana Dimitrieska-Koçoska sot dhe nesër do të marrë pjesë në takimin e ministrave, organizuar nga Organizata Botërore e Shëndetësisë, dedikuar eliminimit të ndikimeve të dëmshme të pirjes së duhanit.
Siç informuan nga Ministria e Financave në këtë takim të nivelit të lartë do të marrin pjesë ministrat dhe zëvendësministrat e Financave të vendeve të rajonit, përfaqësuesit e Organizatës Botërore të Shëndetësisë dhe Komisionit Evropian, Mbretërisë së Bashkuar, Sllovenisë, Bankës Botërore, Organizatës Botërore të Doganave, Organizatës së Bashkëpunimit dhe Zhvillimit Ekonomik, si dhe përfaqësuesit e komunitetit akademik.
Qëllimi i këtij takimi është ngritja e ndërgjegjësimit për problemin e tregtisë së paligjshme të duhanit, si dhe ndikimi i saj mbi administratën tatimore, shëndetësinë dhe zhvillimin e qëndrueshëm, për potencialin e vendeve në ballafaqimin me tregtinë e paligjshme të produkteve të duhanit dhe njëkohësisht edhe të shkëmbehen përvojat në trajtimin e këtij problemi.
Foto: Arkivi i MIA-s
