Shkup, 17 maj 2023 (MIA) - Komisioni Parlamentar për Çështje Evropiane nesër në ora 12:00 do ta vazhdojë debatin për propozim-ndryshimet në ligjin për ndryshimin dhe plotësimin e ligjit për ndërtim, me procedurë të shkurtuar.

Zëvendësministri i Transportit dhe Lidhjeve, Bekim Rexhepi, tha se synimi është që projektet evropiane të jenë sa më efikase në realizimin e tyre.

"Për të mos folur për rëndësinë e këtij projekti për korridoret 8 dhe 10d. Korridori 8 lidhet me tre korridore të tjera, ne si qytetarë të Republikës së Maqedonisë do të kemi qasje më të shpejtë në Evropën Perëndimore, kjo është ajo që po bëjmë tani. Mendoj se jeni dakord me mua dhe nuk keni asgjë kundër që ne të kemi një zhvillim më të shpejtë të infrastrukturës rrugore. Këto janë ligjet që ne i propozojmë që këto korridore të ndërtohen sa më shpejt dhe me efikasitet", theksoi Rexhepi.

Deputetja nga radhët e VMRO-DPMNE-së, Blagica Lasovska, nga ana tjetër, ka replikuar se sipas Rregullores nuk ka respektim të ligjit evropian, i cili kërkon respektim të rregulloreve evropiane.

Në Rregullore thuhet se harmonizimi i së drejtës evropiane duhet të jetë në përputhje me rregulloren evropiane dhe se tabela përkatëse të jetë e mbushur, tabela është bosh, kjo nuk është harmonizim me të drejtën evropiane, theksoi Lasovska.

Është një propozim për ndryshime në ligje i cili është pjesë e pesë ligjeve që kërkohen për zbatimin e kontratës me “Behtel dhe Enka” për ndërtimin e korridoreve 8 dhe 10d. Për këtë projektligj janë dorëzuar 17 amendamente nga deputetët e VMRO-DPMNE-së. sa/

Foto: MIA