Cyrih, 4 tetor 2023 (MIA) - Maroko, Spanja dhe Portugalia do ta organozojnë Kampionatin botëror në futboll në vitin 2030, ndërsa tre ndeshje nga turneu përfundimtar do të luhen në Amerikën Jugore, kumtoi sot FIFA.

Kandidatura e përbashkët e Marokos, Portugalisë dhe Spanjës ishte e vetmja për organizimin e Botërorit 2030.

Tre ndeshje nga turneu përfundimtar do të luhen në Uruguaj, Paraguaj dhe Argjentinë, me rastin e shënimit të 100-vjetorit të organizimit të Botërorit të parë në vitin 1930 në Uruguaj.

Ky vendim zyrtarisht do të konfirmohet në kongresin e rregullt të FIFA-s në vitin 2024. ab/

Foto: Fejsbuk