Bergamo, 11 dhjetor 2024 (MIA) – Mesfushori i Real Madridit, Xhud Belingem e ka konsideruar si jashtëzakonisht të rëndësishme fitoren ndaj Atalantës (3:2) mbrëmë në ndeshjen e xhiros së gjashtë të Ligës së kampionëve.

"Ndjehem i lehtësuar pas kësaj fitore. Ishte shumë e rëndësishme që të marrim pikët. Ndeshja ishte shumë e vështirë. Në pjesën e dytë duhej të mbronim epërsinë, por bëmë një punë të shkëlqyer", ka thënë Belingemi.

Real Madridi tani ka nëntë pikë dhe është ngjitur në vendin e 17-të të renditjes. Atalanta është në vendin e 8-të me 11 pikë.

Foto: EPA