Shkup, 26 korrik 2023 (MIA) - Të miratohet një akt, me të cilin do të vërtetohet se investimi potencial është në kundërshtim me standardet për mbrojtjen e mjedisit jetësor. Vetëm kështu do të mund të veprojmë, të reagojmë dhe të parashtrojmë propozim, me të cilin do të ndërpritet marrëveshja me koncesionerin "Euromaks" për kompleksin e minierave "Ilovica-Shtuka", tha sot ministri i Ekonomisë, Kreshnik Bekteshi.

Siç theksoi Bekteshi, pasi që pothuajse një orë e gjysmë i elaboroi hollësisht  të gjitha aktet dhe vendimet e ndërlidhura me "Ilovica-Shtukën" nga viti 2005 deri më tani, "Euromaks" në momentin ka pronësi të dy koncesioneve. Ato nuk janë ndërmarrë nga ana e Qeverisë, kështu që kompania konform Ligjit për lëndë të para minerale, ka të drejtë që ta rinovojë kërkesën për bashkim të koncesioneve.

Sipas tij, është shumë më mirë që institucionet të marrin ndonjë vendim, sesa të mos veprojnë fare pse kështu, theksoi, lënë hapësirë për hapje të procedurës së arbitrazhit që është rrezik i madh. Për rastin konkret, sqaroi Bekteshi, është i domosdoshëm ndonjë akt edhe atë akt që do të ishte i ndërlidhur pikërisht me mbrojtje të mjedisit jetësor, siç vlerësojnë dhe kërkojnë që qytetarët, që njëherit është qëndrim edhe i Minstrisë së Ekonomisë.      

"Ne sot nuk posedojmë asnjë akt si Ministri e Ekonomisë që të jetë refuzuar ndonjë zgjidhje, ndonjë elaborim, se është refuzuar ndonjë mendim negativ në 15 vitet e fundit në fushën e mbrojtjes së mjedisit, në bazë të të cilit do të bënim propozimin për vendim për zgjidhjen e kontratës me investitorin. Ne kemi një gamë të gjerë mundësish për të pasur një akt të tillë, mund të jetë nga MBPEU, nga Ministria e Transportit dhe Lidhjeve, sepse pyjet duhet të priten, duhet bërë rrugë. ,... Duhet të kemi një akt për të vepruar si Ministri e Ekonomisë. “Euromaks” zotëron të dyja koncesionet, do të ketë të drejtë të përsërisë kërkesën për bashkimin e koncesioneve, që do të thotë se sipas procedurës administrative, Ministria e Ekonomisë do të ketë një koncesionar “Euromaks”, dhe shteti do të ketë gjithashtu një koncesionar “Euromaks”, jo për një, por dy koncesione, me atë që me vendim të Gjykatës, “Euromaks” do të ketë të drejtë shtesë brenda afateve për të kërkuar leje shfrytëzimi. Prandaj, propozimi ynë si Ministri e Ekonomisë është që t'i referohemi argumentit "mbrojtja e mjedisit" si opsioni më i mirë, diçka që ne dhe i gjithë publiku e kërkojmë dhe të miratohet një akt që do të përcaktojë që një investim i caktuar potencial është në kundërshtim të standardeve për mbrojtjen e mjedisit. Pasi ai akt të miratohet ose refuzohet dhe të mos miratohet një zgjidhje pozitive për mbrojtjen e mjedisit, nesër Ministria e Ekonomisë do të paraqesë propozimin për zgjidhjen e kontratës. Por për të dhënë hapësirë ​​që të mos merret asnjë vendim, të mos veprojnë institucionet, mendojmë dhe jemi të mendimit se ky është një rrezik i madh për procedurat e arbitrazhit", theksoi Bekteshi.

Argumenti i tij kryesor, siç shtoi, por edhe i pothuajse të gjitha institucioneve, madje dhe argumenet qeveriare nga viti 2016 deri më sot është se ky investim potencial është në kundërshtim me dispoziat për mbrojtjen e mujedisit jetësor. mb/

Foto: printskrin