Athinë, 10 gusht 2023 (MIA) - Thika, materiale piroteknike, shufra metali dhe druri, gurë, maska, mes tjerash, kishin përdorur huliganët e arrestuar në incidentin e mbrëmjes të së hënës në të cilin ishte vrarë një tifoz 29-vjeçar i AEK-ut, sipas fotografive të cilat i publikuan mediat greke, informoi korrespondentja e MIA-s nga Athina. 

Mjetet konkrete ishin gjetur në pjesën rreth stadiumit të AEK-ut pas incidenteve. 

Sipas fotografive të publikuara, në disa prej sendeve, siç janë guri dhe shufrat e drurit, ka gjurmë të gjakut.

Mediat greke publikuan një pjesë të raportit të policisë për dëshmitë rreth stadiumit të AEK-ut pas incidenteve, sipas të cilit policia ka gjetur: tabelë druri në gjatësi prej 120 centimetrave në të cilën ka pasur gozhda dhe gjurmë gjaku, tri shufra druri të gjata 83 centimetra, ndërsa dy prej tyre me gjurmë të gjakut, një dru në gjatësi prej 52 centimetra gjithashtu me gjurmë gjaku, në të cilën ishte gozhduar një dru tjetër, thika gjepi në gjatësi prej 17 dhe 20 centimetrave, maskë medicinale me gjurmë gjaku, fanella, shishe të qelqit të birrave, atlete, etj. fc/